Sura ya 5

1 Fundeichwa mburi ku gharinde shinde irake handu hohoshe hata maghari ya vandu vya kiithanga. Funa mburi ku mmwi wenyu akyalaa na makaa wa ndie wakwe. 2 Naimwe mwakukwera, handu mughevaviwa ni ngoo? Uya ahirire kuyo kimvaie avutwe maghari yenyu. 3 Kwa liya lirake naimwe kimwiri, mira nike naimwe kimbeho, nndemimnya marisha uya ahirire findo fyo, tha liya nilekeho. 4 Mukisanganyika handu hamwi hena irina ya Mndumi weru Yesu, na ngoo yakwa ike handu ho kwa nguju tha Mndumi weru Yesu, nndemimnyamarisha mndu tho. 5 Ndemimkabidhi mnduu kwa shetani kimecha mwiri wakwe ukondwe nesa ngoo yakwe iirime iokolewa hena mfiri uya wa Mndumi. 6 Ikukwera yenyu thikindo kyo, mwichimwe hamira njidu iichiumua itonge ithima? 7 Kusambenyi imwe mweka hamira ya kala, kimecha muve itonge isha, netha muve mkate uraumuliwe. Kwa liya Kristo mwana igonji yeru ya pasaka andemichinjwa. 8 Hena ikyo fusherehekee ngathu tiraghire amira ya kala, amira ya miikalie mivichwa na vuvichwa. Badala yakwe hamira yekuduisha na keni. 9 Nileandikie hena barua yakwa ku munasanganyika na na vareshinda. 10 Sighire nyi maana ku ni wareshinda va isanga ili, kana na vaya vaghire ngwina kana vakea kana vaghetatha mirungu kwa ikaa navo kua, nifo kinghemutara mufume ithangenyi. 11 Mira luvagha namwandikia munakuchanganya na yeyoshe ailaghwa kaka kana dada hena Kristo, mira akyaishi hena shinde kana ni iuya mghetamani kana mkea, kana mghetatha ngome kana mndu wa matuthi kana mgheirwa kangi munaya nawe mndu wa mbare ii. 12 Hena ikyo nafika ndiya nivanyamarishe vake bwang'a ya kanisa? Badala yakwe imwe mundeva nyamarisha mwe vaya vake voshi ya kanisa? 13 Mira Ruva akyavanyamarisha vake bwang'a, mvutenyi mndu mvichwa maghari yenyu"