1 Kwu nipfo mndu afuvare ifwe, tha vahiri ndima va Kristo na vaghemkia thiri tha keni tha Ruva. 2 Hena ili, kikyashighwa kwa imkia niku vave vaghetumainiwa. 3 Mira kwakwi inyi ni kindo kidu mnu ku ninanyinyiriwa na imwe kana hukumu ya kivandu. Kwaku thijinyirie inyi njeka. 4 Thajihukunianyi inyi njeka, ii ighereyo maana ku inyi nighire haki. Ni Mndumi Yesu amhukumuye. 5 Kwakwiyo munarera hukumu kaghu ya kyokyoshe kabla ya igheri, kabla yecha kwa Mndumi Yesu. Aende handu haelie findo fithughenwe mmenyi na irora makuthudi gha ngoo. Niho kila umwi aondoa thifa yakwe ifuma kwa Mndumi Yesu. 6 Luvaha mndu na lumbye inyi njeka na Apolo nitumirie kamuni ithi kwa ajili yenyu. Kimacha ifuma kweru muirime maana ya kirero, "Kunaghenda ikelesha fundu kiandikiwe." Iii niku haghireho nonga umwi wenyu akubaha kaghu ya uree. 7 Maana ni ungaa avona tofauti maghari yenyu na ungi? Ni kiki kughire kurakipokerie vwia? Kole kundemipokea vwia, haniki mwakubaha kole murahirire kwiyo? 8 Tayari mughire fyoshe mvemwashigha! Tayari mundeghira vuthuri, mndedunga imkia na ku mwamiliki ifukela ifwe! Kweri namushighia umiliki mcha kimacha fumiliki hamwi na imwe. 9 Kwa kwiyo ngetha Ruva afuwikie ifwe vagherumwa the ifurora wa mwisho hena mstari wa maandamano na tha vandu vahukumiriwe ivwaghwa. Vundeva tha tamasha hena ithanga, kwa malaika na kwa vandu. 10 Ifwe fumafire fundu vya Kristo, mira imwe mughire hekima hena Kristo. Fu vandu varaghire nguju mira imwe mughire nguju. Mwanikwa shimamira ifwe fughirefwe shima. 11 Hata thaa ii fughirefwe kijo na fughire laka, fughirefwe thori, fughire mapigo na kangi fughirefwe makathi (handu heikaa). 12 Fufwahira ndima kwa bidii, kwa mavoko gheru fweka. Fukidahwa, fwathamehe. Igheri fwatethwa fwaghira ujasiri. 13 Fukitukanwa, fwavwighira kwa vuhoo. Tumekuwa na bado fufwatarwa iva tha ileghwa na ithanga na fukashigha kwa findo fyoshe. 14 Thinaandikanyi findofi ivarawisha mira imurekebisha tha vana vakwa nivafurie. 15 Hata kole mughire vafundishi makumi elfu hena Kristo, haghireho papa vengi. Kwakuwa nindemiva papa wenyu hena Yesu Kristo iiria injili. 16 Kwiyo ninamulomba munjiighe inyi. 17 Iyo niyo thababu nilemrumie kwenyu Timotheo, mwana wakwa mcha na mwana mwaminifu hena Mndumi Yesu. Amukumbutha njia takwa katika Kristo fundu nichifundisha kila handu na makanisani. 18 Luvaha baathi yenyu vakyakuhwera vakuichwa ku thikachenyi kwenyu. 19 Mira nacha kwenyu muda igheri iwihi kole papa akafura. Niho namanya kuthi firero fyavo du ivo vakyakukwera, mira navona nguju thavo. 20 Kwaku vufumwa vwa Ruva vuke hena firero fyo mira hena nguju. 21 Mumwashigha iki? Niche kwenyu na nthata kana kwa upendo na hena ngoo ya vuhoo?