Sura ya 3

1 Na inyi, kaka na bhalumbwuria bhakwa sirerienyi na imwe tha bhandu bha moo mira tha bhandu bha mwiri tha bhana bhadu hena Kristo. 2 Nighebhanikie maribha na si nyama yo, ang'u muna irima iya nyama mwe, na hata lubhaha munairima mwe. 3 Hata lubhaha imwe mubha mwiri. Ang'u funu na ikubaha nshabhoniwa maghari kwenyu kula lee muaikaa handu mwiri uashigha, na lee muaghende tha kawaida ya kibinadamu? 4 Ang'u umwi achirera, "Namuivaria Paulo" Ungi achirero "Namuivaria Apolo," Muaikaa amwe tha bhandu? 5 Apolo ni itho? na Paulo ni itho? Ni bharumishi mughebha aminie kwa lia Rubha aghe bhanikie ndima. 6 Inyi nighebhiee, Apolo akabhikia mringa Rubha akalesha. 7 Heicho abhiee na akutirie, mringa aghirewe chochoshe. Mira Rubha aleshere. 8 Lubhaha abhiee na abhikirie mringa bhoshe ni sawe na kila umwi anikwa iyira wakwe kiringanyo cha ndima yakwe. 9 Kwa lia ifwe fubhahirindima bha Rubha imwe mu bustani ya Rubha na nyumba ya Rubha. 10 Ifumana na neema ya Rubha ninikiwe tha mgheagha mrwe nibhikie msingi, na ungi aaangha kabhu yakwe. Lakini mndu wowoshe abhe makini alolie fundu aaagha. 11 Kwa lia haraghire ungi airima iagha msingi ungi ikela uya uaghiwe ni Yesu Kristo. 12 Lubhaha kole wenyu umwi aaagha kaghu yakwa hena madhahabu, hela, mawe gha thamani, miri, mara, au maringo, 13 ndima yakwe yabhikwa mwaji, kwa kilanga ka mthaghari kwa ikuvika mwaji kwa ikushukua kwa moro, moro waghera ndima njicha ya kila mndu, ndima ahirire. 14 Kwa chochoshe mndu aaghie cha reghwa apokea thawadi. 15 Mira ndima ya mndu ikosha kwa moro apata athara lakini weweka aokolewa thalea aafuma hena moro. 16 Muichimwe ku imwe mu nyumba ya Rubha na moo wa Rubha uchiikaa voshi yenyu? 17 Kole mndu akakonda mndutho, kwa lia nyumba ya Rubha ieliye na imwe kwio. 18 Mndu anakulemba weka mndu wowoshe maghari yenyu akyafikiri ku aghire hekima hena maghegha, abhe tha fire ni ho aghira hekima. 19 Kwa lia hekima ya isanga li ni bhufire mosia ya Rubha, ang'u iandikiwe, "Ichi bhawara hena hila tabho" 20 Na mndumi aichi mariri kano gha fikira ta ubatili." 21 Heicho mndu anakukwera ang'u findo vyoshe ni fyenyu. 22 Ku ni Paulo, kana Apolo, kana Kefa, kana ithanga, kana iishi, kana kifwa, kana vindo fikeho, kana fyaghecha shoshe ni fyenyu, 23 Na imwe mubha Kristo na Kristo ni wa Ruva.