Sura ya 15

1 Luvaha nimamukumbuta, va kaka na valumbwia, injili nimubirikirie, ngeyo muighuhirie na imka henayo. 2 Ni hena injili ii muvonire ikirwa, kole mukaku dindisha ivwara kireho nimubirikirire imwe, there kwio muiirikirie vwia. 3 Tha vundu ivoka niighu hirie kwa nguju niiendie kwenyu kwio kwio fundu ifwenene: kwaku ifumana na maandiko, Kristo alephwie fundu fwa thambi teru, 4 ifumana na maandiko alerikiwe na ku alevukie mfiri wa kararu. 5 Na ku amfumirie Kefa, niho vaya ikumi na vavi. 6 Niho akavafumia kwa igheri limwi ko kaka na valumbwia vakelele maghana atanu. Vengi vavo bado vaeke mo, vengi vavo vandemilaa mario. 7 Kamtungo kadu akamfumia Yakobo na he varumwi voshe. 8 Hena imalilia akanjifumia na inyi tha fundu kwa mwana aghiriwe igheri thereyo. 9 Kwa ku inyi ni mdu hena varumwi. Kivenjitarire kyo iilaghwa mrumwi, kwaku nilithire vwathi kanisa ya Ruva. 10 Mira kwa neema ya Ruva nike fundu nikei na neema yakwe kwaku si bure yo. There kwio nihirire kwa nguju ikela voshe. Mira thile inyinyi, mira neema ya Ruva ike voshi yakwa. 11 Henaikyo kole ninyi kama vo, fuchibirikira kwio na fuirikirie kwio. 12 Luvaha kole Kristo alebirikiriwe ku avukie ifuma hena vaphwie, kikyava kia vengi venyu mughambe haghire ivuka ya vaphwie ho? 13 Mira kole haraghire ivuka ya vaphwie, bathi hata nawe avukiewe. 14 Na kole Kristo avukiewe, henaikyo mabirikiro gheru ni bure na miirikirie yeru ni bure. 15 Na fundeva vaghemkia mongo ihusu Ruva, ang'u fughemkirie Ruva therefo, irera ku amvutire Kristo, igheri aramvutire. 16 Kole vaphwie vachivutwavo, Yesu nawe avukie we. 17 Na kole Kristo avutirwe we, minikie yeru ni bure na bado fuke hena thambi teru. 18 Hata vaya vaphwie hena Kristo navo varekie. 19 Kole kwa maisha gha ghoka fughire nguju hena igheri lichie voshi ya Kristo, vandu voshe, ifwe ni vaghereghewa mbonea ikela vandu voshe. 20 Mira luvaha Kristoo avukie ifuma kwa vaphwie, ndunda ta kuvoka vaya valephwie. 21 Kwaku kiphwa kilechie iiria hena mndu, na iiria mndu ivuka ya vaphwie. 22 Kwa ku tha fundu hena Adamu voshe vakyaphwa kuvio kwio hena Kristo voshe vachembewa ikia. 23 Mira kila umwi na mpango wakwe: Kristo, matunda gha kuvoka, na niho vaya nge va Kristo vavutwa igheri yakwe yecha. 24 Niho kyava mthilio, haya Kristo akikabithi vumangi kwa Ruva Papa. Ii ni haya aleimalilia vumangi voshe na mamlaka ghoshe na nguju. 25 Kwa ku ni mi thari arerie mpaka avavike vanzo vakwe voshe thinyi ya marende ghakwe. 26 Mntho wa mwisho ibondwa ni kiphwa. 27 Kwa ku "Avikie kila kindo thinyi ya marende ghakwe." Mira ikirera "avikie kila kindo," ni ku iki kikyathanganya kyo vaya vavikie kila kindo thinyi yakwe weka. 28 Igheri findo vyose vindevikwa thinyi yakwe, niho Mwana weweka aghevikwa thinyi kwakwe ngeve evikie findo fyose thinyi yakwe. Iki kyafumia kimetha Ruva Papa ave fyoshe hena fyoshe. 29 Kana ku vahira iki vaya vabatithirwe hena vundu vwa vaphwie? Kole vandu varachivutwa kabisa, haniiki vakabatithwa vundu vwavo? 30 Na hani iki fuke hena ikilia mbanga kila igheri? 31 Vandughu na valumbwia vakwa, iiria ikukwera yakwa hena imwe, ngeyo nighire hena Kristo Yesu Mndumi weru, naghamba kwii: naphwa kila mfiri. 32 Kikyanjighenja iki, hena milolie ya vandu, kole nilekevene na vanyama vandu varachivutwa? "Lekenyi du fuye na inywa, kwaku ngama fufwaphwa." 33 Munalembwa: "Makundi mavichwa ghachikonda nguma njicha. 34 "Mughire kiringanyo! muikae miikalie ya haki, munaendelea ihira thambi. Kwa ku vengi venyu vaghire ikaghaa ya Ruva. Narera kwii kwa iraghwa yenyu. 35 Mira mndu ungi agheghamba, "Fundu fwa iki vandu vakyavutwa? Navo vacha na fwanyanyi ingaa ya mwiri?" 36 Iwe kuifire mnu! Kiya akiviee kyairima ileha thari kikendephwa. 37 Na kiya kwaviaa thi mwiri ngetho waleha, mira ni mbeu ibushire. Yairima iva ngano kana kindo kingi. 38 Mira Ruva ainika mwiri tha fundu afurie na hena kila mbeu mwiri wakwe thothoka. 39 Miiri yoshe ifweneneyo. There ku, haghire mwiri umwi wa vanadamu, na mwiri ungi wa vanyama, na mwiri ungi wa ndeghe, na ungi wa mapere. 40 Kangi haghire miiri ya ipho kaghu kwa Ruva na miiri ya mathangenyi. Mira ngatho ya miiri ya kaghu kwa Ruva ni wa fundu fumwi na ngatho ya mathangenyi ni ungi. 41 Haghire ngatho imwi ya ruva, na ngatho ingi ya mwiri, na ngatho ingi ya ndondo. Kwa ku ndondo imwi irekere na ndondo ingi hena ngatho. 42 Kwio ni vo fundu fukei ivuka ya vaphwie. Ngekyo kyaviawa kichikondeka, na kichibusha kichikondeka cho. 43 Kiviwee hena matumizi gha kawaida, kikyaviawa hena ngatho. Kiviewe hena ushokeri, kikyaviawa hena nguju. 44 Kiviewe hena mwiri wa kala, Kikyaviawa hena mwiri wa kimbeho. Kole haghire mwiri wa kala, haeghire na mwiri wa kimbeho. 45 Na kieandiiwe, ''Mndu wa kuvoka Adamu achembekie kwa ngoo irakondeka.'' Adamu wa mwisho achembiwe wa ngoo ichi ishi. 46 Mira wa kimbeho achiewe wa ivoka na niho wa kimbeho. 47 Mndu wa kuvoka ni wa mathanga, echembiwe na teri. Mndu wa kavi afumie kaghu kwa Ruva. 48 Tha fundu uya avumbiwe kwa tesi, nimi kwio na vaya vavumbiwe kwa tesi. Thafundu mndu wa kaghu kwa Ruva akei ni mifo vaya va kaghu kwa Ruva. 49 Tha fundu fuvavie fwanyanyi ya mndu wa tesi fwava va he fwanyanyi ya mndu wa kaghu kwa Ruva. 50 Luvaha namuvia, ndughu na valumbia vakwa, ku mwiri na ndhakami fyairima fyo ipala vumangi vwa Ruva. Kana wekondeka ipala ithakondeka. 51 Lambua! Namuvia imwe mbitho ya kweri: Fukaphwe voshe fwe, mira voshe fwaghalutwa. 52 Fwaghalutwa hena igheri, hena iphwendera na itambarua ritho, hena igunda ya mthio. Kwaku igunda lichifugha, na vaphwie vavutwa hena ithakondeka na fwalachwa. 53 Kwani iu we kondeka ni mi thari urae urachikondeka, na iu wephwa ni mi thari urae wa iraphwa. 54 Mira igheri li wekondeka ukira wa irakondeka, na iu wephwa ukiraa weraphwa, niho wacha kirerie kiandikiwe, "Kiphwa kindemirwa hena ivota." 55 "Kiphwa ivota yapho like kwi? Kiphwa ukekwi ulumu lwapho?" 56 ulumu lwa kiphwa ni dhambi, na nguju ya thambi ni sheria. 57 Mira harache kwa Ruva afunikie ivota iiria Mndumi weru Yesu Kristo! 58 Henaikyo, vandughu na valumbwia vakwa, mkenyi kyumi nanga munadedema. Genda ihirenyi ndima ya Mndumi, kwa ku muichi ndima yenyu hena Mndumi thi bure yo.