Sura ya 16

1 Luvaha hena mburi ya michango ya vagheamini, tha vundu nivarorere makanisa ya Galatia, ni kwio kwio kyamutara ihira. 2 Hena mfiri wa kuvoka wa juma, kila mmwi wenyu avike kindo pembeni na ikitundha tha vundu mwairima. Hirenyi kwio netha iku hanaghira michango nikichecha. 3 Na nikamchefika, wowoshe mwachemthaghua, nachemruma hamwi na barua atike sadaka yenyu ipfo Yerusalemu. 4 Na kole kikava nanyi ighenda, vaghenda hamwi nanyi. 5 Mira nachevha kwenyu igheri ni nairia Makedonia, ang'u nacheiria Makedonia. 6 Hangi nairima iikaa na imwe kana hata imalia igheri lya mbeho netha iku muirime injitasha hena ndambo yakwa hohoshe nacheghenda. 7 Kwa ku thiichi iku naghemuvona nyi kwa havwihi. Ang'u nacheshigha iikaa na imwe kwa igheri ivwihi, tha fundu Mndumi anjiirikia. 8 Mira nacheikaa Efeso mpaka Pentekoste, 9 kwa lia mlango uireme underughuwa hena mburi yakwa na haghire vantdho vengi vachikanana na inyi. 10 Luvaha igheri Timotheo akicha, mvonenyi iku ake na imwe neri munaovoha, achihira ndima ya Ruva, tha fundu nichihira. 11 Mndu wowoshe anamberesha. Mumtashe hena njia yakwe ya mborere netha iku airime icha kwakwa kwa lia ninamverelea ache na veru. 12 Luvaha hena mburi ya weru Apolo. Nimvikirie ikuji mnu iku amukushe imwe na veru. Mira akaamua iracha luvaha. Hata kwio, achecha igheri aghire nafathi. 13 Mulolie, dindenyi muhire tha vandu va kyumi, mughire nguju. 14 Hena ikyo fyoshe mwahira, mufihire kwa ifura. 15 Muiichi nyumba ya Stefana. Muichi ku nilevo vairikilie va kuvoka ipfo Akaya, na iku valekuvikie voka hena huduma ya vagheirikilia. Na luvaha ninavatereva kaka na valumbwia vakwa, 16 mukughatdhe kwa vandu tha ivo na wa kila mndu achitasha hena ndima na vahiri vake na ifwe. 17 Na nndenuliwa iku Stefana, Fotunato, na Akiko vacha. Vamkie handu haghyekyamutara imwe iva. 18 Kwa lia vandenulisha ngoo yakwa na yenyu. Hena ikyo luvaha vamanyeni vandu tha iva. 19 Makanisa gha Asia vandemuirikira. Akila na Priska vamuirikira hena Mndumi hamwi na kanisa like kemyi kwavo. 20 Kaka na valumbwia vakwe voshe vakyamuirikira. Irikiranenyi kwa busu lielie. 21 Inyi, Paulo, ninaandika fi kwa kuvoko kwakwa. 22 Kole haghire wowoshe aramfurie Mndumi, bathi areghiwe mumu. 23 Neema ya Mndumi Yesu ive na imwe. 24 Ifura yakwa iwe na imwe hena Mndumi Yesu.