Sura ya 14

1 Shighenyi ifura na ilangwa findo fya ngoonyi, mnu mnu muirime ifunya vya ngoonyi. 2 Kwalia wia akyafunya fya ngoonyi achirera na vandu achirera na Ruva. Heikyo haghire akyamanyaho ang'u akyarera fia fikuthughene hena ngoo. 3 Mira wia mghefunya fya ngoonyi akyarera na vandu na ivaagha, uvanika nzinya na ivathaidia. 4 Itho mgherera hena ngoo, na lugha achikwigha weka mira wia achirera fya ngoo achiagha ikanisa. 5 Luvaha nnashigha imwe voshe mugaye kwa lugha. Mira zaidi ya iho nnashigha kumufunye vya ngoonyi mira wia mghefunya fya ngoonyi mira wia mghefunya fya ngoonyi ni mrwe ikela wia achirera kwa lugha, thari haghire mghetafithiri, kimacha kanitha liirime iaghwa. 6 Mira luvaha mndu na lumbwia vakwa, nikicha kwenyu nairera kwa lugha namuthaidia iki imwe? Thairimanyi, thari nirere naimwe kwa irughuliwa, kana kwa njia ya maririkano, kana vuroti, kana kwa njia yeloshwa. 7 ikiva findo firaghire mujo tha filimbi kana kinubi firamifunye irwi na tofauti, kyamanyika kwia ku ku chombo kiki nkya kavwa? 8 Kole baragumu ikafunya thauti iramanyikie, ninamna njiki mndu amanya ku ni igheri lye jiandaa na fira? 9 Kwio kwio naimwe. Mukafunya kwa ulimi kirero kirake nicha, ni namna njiki mndu amanya ninge kyo mmmwa kirera? Mwava mmwarera, haghireho amumanya. 10 Haghire shakaho kuhaghire mirerie mingi mbalimbali ithangenyi, na haghireho hata imwi iraghire mana. 11 Mira kole thiraichi maana ya kirerue nava mghenyi kwakwe wia akyarera, nawe akyarera ava mghenyi wakwa. 12 Kwio kwio naimwe, kwalia nnashigha imanyika lya ngoo, shighenyi mukathane nicha iliagha ikanitha. 13 Kwii, wia akyarera kwa lugha alombe anikwe ifafanua. 14 Henaikyo nikalomba kwa lugha, ngoo yakwa yalomba, mira maririkano ghakwa ghaghire ndundagho. 15 Nivike kwia? Nalomba kwa ngoo yakwa, mi4a pia nalomba kwa maririkano ghakwa. Naimba kwa ngoo yakwa, napia naimba kwa maririkano ghakwa. 16 Kivungi, ukamthifu Ruva kwa ngoo, wia ninge mghenyi airikia kwia "Amina" ukifunya shukrani akiva aichiwe ikyo kwarera? 17 Ang'u ni keni iwe nkwashukuru keni, mira wia ungi akyaaghwa we. 18 Nnamshukuru Ruva kwaku nichirera kwa lugha imukela voshe. 19 Mira hena kanitha nikeba nirere firero fitanoo kwa imanya lyakwa kimacha niirima ivalosha vengi, kuliko ireru firero fingi mnu kwa lugha. 20 Mndu na valumbwia vakwa muvana vanake hena iririkana lyenyu. Kinyume kyakwe ihusiana na fivichwa venyi tha vanake vadu. Mera hena iririkana lyenyu muve vandu vathima. 21 kiandikiwe hena sheria, "Vandu va lugha thingi na kwa myumu ya vaghenyi narera na vanduva. Kangi hata kwio vakanjiichwevo, akyarera Mndumi. 22 Henaikyo lughathi ishara, kwa vaya vaaminiye mera kwa vaya varaaminie. Mera irera kwa vuroti ni ishara, thi kwa vaya varaaniniye, mira ni vundu vwa vaya vaaminiye. 23 Haya, kole (kanitha lyoshe vathengene varere kwa lugha na vakairime ighambavo ku mmwavukwa? 24 Mira kole voshe mmwafunya vuroti na wia araamiye na mghenyi akaingia mwamshawishi kwia, vyoshe afichue. Ahukumumiwa kwa vyoshe mmwafirera. 25 Findo fyakwe fya ngoonyi fivevikwa mwaji matokeo ghakwe aveghwa kifudifudi na imvani Ruva. Averera ku luvaha Ruva ake magheri yenyu. 26 Niiki kyaivaria luvaha mndu na lumbwia wakwa? Mukithangana handu hamwi kila umwi auri Zaburi, iloshwa, irughuliwa, lugha kana tafsiri. Hirenyi kila kindo kimecha mwaghe kanitha. 27 Kole wowoshe akyarera kwa lugha haghire vavi kana vararu na kila umwi kwa ikenda. Na mndu atafsiri kia kireriwe. 28 Mera kole haraghire mghetafithiri kila umwi athiechwi hena kanisa. Heikyo kila arere weka kwa Ruva. 29 Na varoti vavi vararu varere, na vengi vaaranie kwa ipambanua kiya kirerue. 30 Kangi aikee akafunuliwa hena huduma wia avekyarera na athie. 31 Kwa lia kila umwi wenyu airima ifunya vuroti lumwi baada ya lumwi kimacha kila umwi airime iloshwa na voshe vairime inikwa nguju tha ngoo. 32 Kwaku ngoo tha vaghe rota thike mbai ya uangalithi lwa varoti. 33 Kwaku Ruva si Ruva welwa wee, mira ni mborere. Fundu kike hena makanisa gha vagheamini, 34 Vakamvashighwa vathiechwi hena kanitha. Kwalia varakyashighwa varere. Kivungi kyakwe, mvashighwa vaikae vaghire ishima, kangi ni fundu sheria iyaghamba. 35 Kole haghire kyokyoshe mvashigha iloshwa, vashighwa vavaulithe vomi vavo kenyi. Kwa lia ni irawa kwa mka irera hena ikanisa. 36 Kirero kya Ruva kifumie kwenyu limufikirie imwedu? 37 Kole mndu akakuvona ku ni mroti kane wa ngoonyi, akyashighwa amanye ifi nnavaandikia na niku ni maagizo gha Mndumi. 38 Mera aramimaye ifi, mlekenyi anamanyika. 39 Heikyo mndu na valumbwia vakwa, shighenyi ifunya vuroti na muna mthuia mndu wowoshe irera kwa lugha. 40 Mira findo fyoshe fihirike kwa vucha nakwa utaratibu.