1 Fughambe ku nnarera kwa lugha ta vandu na ta malaika. Mira kole thiraghire ifwa nndeva tha shaba iyafugha na upatu ukiwaruruma. 2 Na kwaku nighire karama ya unabii na yemanya kweri tikuthughene na kiavia, na kwaku nighire mwiitikijo weirima ithamira milima. Mira kole thighirenyi ifura, inyi thi kindonyi. 3 Na fukaeghamba ku nikinafunya mari thakwa toshe nivanike vakiva, na ku ninaufunya mwiri wakwa kimetha uokiwe. Mira kole thighireni ifura kyanjighenja kyokyoshe cho. 4 Ifura lichirimilia, na ihoresha. Ifura lichikukwerayo kana ikughamba. Ughiretho tivi 5 kana vuvichwa. Uchishigha findo fyakwetho, ughiretho uchiroratho ivaviwa fia, kangi uchitaratho fivichwa. 6 Uchinuliwa tho ni vu ufichwa. Hena kwio uchinulitha, hena keni. 7 Ifura lichirimilia mambo ghoshe; uaminie hena vindo vyoshe, na uchirimilia vindo fyoshe. 8 Ifura lighire mwisho yo. Kole haghire unabii, woshe waira. Kole haghire lugha, takoma. Kule haghire kiafia kyaira. 9 Kwaku fuichi kwa thehemu na mfwahira unabii kwa thehemu. 10 Mira mfiri wecha iya ikolokie, iya irakolokie yaira. 11 Ningemwana mdu nilechi rena tha mwana mdu, nilechiririkana tha mwana mdu, nilechiamua tha mwana mdu. Nikinave mndu nithima, nivikie kwa nainyi mambo ghoshe gha vwanake. 12 Kwaku luvaha mfwavona tha hena kiloli, tha thura mmenyi, mira igheri lia fwa chevona voni voni. Luvaha niichi kwa sehemu, mira igheri yo nache manya mnu thafundu inyi nimanyikie luvaha. 13 Mira luvaha mambo gha araru haikalia: miirikilie, ikuji lichie na ifura. Mira likelele fyoshe ya ifi ni ifura.