Sura ya 12

1 ihuthu karama ta mbehonyi veru na valumbia vakwa, thiashigha munande manya mwe. 2 Muichi ku lia mule vakiithanga mule ongotherwe iivaria ngoma tirachigaya, kwa njia totoshe mulechiongothwa nito. 3 Na kwio niashigha mumanye ku haghire wowoshe achirere kwa mbeho wa Ruva ku Yesu aregheriwe mumu, na haghire wowoshe aghamba ku Yesu ni mfumwa there kwa mbeho mcha. 4 Bathi haghire karama titofautiane mira mbeho ni kya uya. 5 Na huduma tichitofautiana mira mfumwa ni uya uya. 6 Kangi haghire aina mbalimbali ta ndima mira Ruva ni uya uya achitihira ndima toshe hena voshe. 7 Bathi kila umwi achinikwa ufunuo lwa mbeho kwa faida ya voshe. 8 Mana mndu umwi anikiwe ni mbeho kirero kya hekima, na ungi kirero kya maarifa kwa mbeho uya uya. 9 Kwa ungi achimnika muitikijo kwa mbeho uya uya na kwa ungi karama yenura kwa mbeho umwi. 10 Kwa ungi matendo gha nguju na ungi vunabii. Na kwa ungi iirima ipambanua mbeho ungi aina ta lugha na kwa ungi tafthiri ta lugha. 11 Mira mbeho ni uya uya achihira ndimatitoshe, imnika kila mndu karama kwa fundu andethaghua we weka. 12 Mana fundu mwiri uwmi ughire fiungo fingi na fiungo fyoshe ni fya mwiri uya uya, ni kwio na Kristo. 13 Kwa ku hena mbeho umwi ifwe voshe fulebatithirwe iva mwiri umwi, kole fu vayahudi kana vayunani, kole fu vatumwa kana vandu huru, na voshe fulenyughithirwe mbeho umwi. 14 Kwaku mwiri thi kiungo kimwi kyo, mira ni fingi. 15 Kole kurende kukaghamba inyi thi kuvokonyi inyi thi thehemu ya mwirinyi, ikyo kikave kyo ku kurende thi thehemu ya mwiriyo. 16 Na kurwi nako kukaghamba ku inyi thi rithonyi, hena ikyo inyi thi thehemu ya mwirinyi. Ikyo kyakufanyakyo ku thi thehemu ya mwiriko. 17 Kole mwiri thoshe ukava ritho lee iichwa yaikaa kwi? Na kole woshe ukava kurwi, inyuta liveikaa kwi? 18 Mira Ruva alefivikie kila kiungo kya mwiri handu hakwe fundu apangie weka. 19 Na kole fyoshe ngeve kiungo kimwi mwiri uvevakwi? 20 Hena ikyo luvaha fiungo ni fingi mira mwiri ni umwi. 21 Ritho yairimayo ikuvia kuvoko ku thiakushighanyi. Nanga mrwe wairimatho ighavia marende ku thiamushighanyi." 22 Mira fiungo fya mwiri fia fiavonekana ni fya shima njidu nifyo vichishighwa dhaidi. 23 Na fiungo fya mwiri fuchivona ku fina shima njidu fuchifinika shima dhaidi. 24 Na fiungo fyeru fia fimulirie wala fighire haja yenikwa shima fyo mana fighireng'u shima, mira Ruva afiunganishire fiungo fyoshe handu hamwi, na afinikie shima dhaidi fia firachi heshimiwa. 25 Alevikie kwio kimetha hanandeghira ighabhika hena mwiri, mira fiungo fyoshe fituthane kwa ifurana. 26 Na igheri kiungo kimwi kikaumia lee, fiungo fyoshe fiaumia handu hamwi. Kana kiungo kimwi kika heshimiwa, fiungo fyoshe fichiidhihirwa handu hamwi. 27 Luvaha imwe mu mwiri wa Kristo na fiungo kila kimwi handu hakwe. 28 Na Ruva avikie hena ikanitha, vevoka mitume kavi, vanabii, kararu vaalimu halafu vaya vachihira matendo gha firumo halafu karama temura, vaya vachithaidia, vaya vachiongotha na vaya vaghire aina mbali mbali ta lugha. 29 Luvaha voshe fu mitume? Voshe fu manabii? Voshe fu vaalimu? Voshe fuchihira vitenda vya firumo? 30 Voshe fughire karama temura? Voshe fuchirera kwa lugha? Voshe fuchitafsiri lugha? 31 Kashenyi mnu karama tia ndue. Nanyi niamurora nji njicha dhaidi.