Sura ya 11

1 Njiivarienyi inyi, tha fundu inyi nichimuivaria Kristo. 2 Luvaha ninamutumbisha vundu muchinjikumbuka hena findo fyoshe. Ninamutumbisha ang'u mundevwara mapokeo nimuenderie. 3 Bathi, ninashigha mumanye iku Kristo ni mrwe wa kila mmi, na mmi ni mrwe wa mka, na ku Ruva ni mrwe wa Kristo. 4 Kila mndu wa kyumi mnghelomba kana achifunya unabii na kunu ashikirie mrwe akyaraghwisha mrwe wakwe. 5 Mira kila mndu wakila akilomba kana ifunya unabii na mrwe wakwe urashikiriwe akyaraghwisha mrwe wakwe. Kwa ku ni thawa mndu ahariwe. 6 Kole mndu wa kika arashikirie mrwe wakwe, na aveghe njwii tdhakwe tdhive ngwihi. Ang'u kole ni iraghwa mndu wa kika ivegha ujwii thdhakwe kana ihawa, bathi ashikie mrwe wakwe. 7 Ang'u kichimtawa kyo wa kyumi iphwinika mrwe wakwe, kwa iku we ni fwani na ngatho ya Ruva. Mira mndu wa kika ni ngatho ya mndu wa kyumi. 8 Ang'u mndu nea kyumi afumie kwa wa kika we. Mira wa kika afumene na wa kyumi. 9 Neri mndu wa kyumi avumbiwewe vundu vwa mndu wa kika. Mira mndu wa kika alevumbiwe vundu vwa mndu wa kyumi. 10 Ii niyothababu iku mndu wa kika kyatara ku aghire ishara yetawala kaghu ya mrwe wakwe, kwa thababu ya malaika. 11 Hata kwio hea Mndumi, mndu wa kika ake weka we haraghire mndu nea kyumi na mndu nea kyumi haraghire mndu wa kika. 12 Ang'u tha fundu mndu wa kika afumie kwa mndu wa kyumi, nimi kwio ku wa kyumi afumie kwa wa kika. Na findo fyoshe vichifuma kwa Ruva. 13 Kunyamarishenyi mweka: Nhii! Kichiva mndu wa kika itereva Ruva igheri mrwe wakwe urashikiriwe? 14 Nhii hata asili yoka yamfundishayo iku mndu wa kyumi akaghira njwii njacha ni iraghwa kwakwe? 15 Nhii asili ichivafundishayo iku mndu wa kika ighira njwu njacha ni ngatho yakwe? Ang'u anikiwe njwii tdhia tha nguro yakwe. 16 Mira kole mndu wowoshe akyashigha ikanana hena mburi i, ifwe fughire njia ingi fwe neri makanisa gha Ruva. 17 Hena maagitho ghaivarie, inyi thavatumbinyi. Ang'u mkithangana, thi kwa faida yo mira ni kwa hathara. 18 Ang'u kyevoka, nichue iku mkithangana kanithani haghire ighanamjika kwenyu, na hwa thehemu ninairikilia. 19 Hena ikyo kyatara haghire mshaghasho kwenyu, netha iku vaya vairiliwe vamanyike kwenyu. 20 Hena ikyo mkithangana, kiya mumwaya thi kijo kya Ruva kyo. 21 Mukiya, kila umwi achiya kijo kyakwe weka vengi varanaya. Hata iu ana nja na iu airiwe. 22 Nhii mughiremwe nyumba tahelighia na inyughia? Nhii! mumwaliberesha kanitha lya Ruva na iraghwisha varaghire kindo? Nirere iki kwenyu? Nimutumbisha? Thavatumbishanyi hena ili! 23 Ang'u nileghuhirie ifuma kwa Mndumi kiya nghecho nimunikie imwe iku Mndumi Yesu, kio kia alighiriwe njama, aleondorie mkate. 24 Baada yeshukuru, aurumbulie akaghamba, "Iu nitho mwiri wakwa, nghetho kwa fundu fwenyu. Hirenyi kwii mkinjikumbuka nyi." 25 Na kwii kwii akaondoa kikombe vekinaye, na irera, kikombe ki ni ndaghano njihya hena tdhakami yakwa. Hirenyi kwii kando kengi kila mukinywa hena injikumbuka inyi.'' 26 Hena kila igheri mkiya mkate u na inyughia kikombe, mumueatangatha kiphfwa kya Mndumi mpaka akichecha. 27 Hena ikyo, wowoshe mgheya mkate na inyughia kikombe kyo kya Mndumi vundu, kirakyamtara ava andekuondolea hukumu ya mwiri na ntdhakami ya Mndumi. 28 Mndu adunge ikuvetha we weka, niho anye mkate na inyughia kikombe. 29 Ang'u uya aya na inywa arapambanurie mwiri, achiya na inywa milaho yakwe weka. 30 Nikyo ku vandu vengi maghari yenyu ni vawaji ua vashokeri na vengi venyu vandemphfwa. 31 Mira fukuolie fweka fwachelahwa fwe. 32 Mira fukilahwa ni Mndumi, fufwavwiliwa netha funachelehwa hamwi na ithanga. 33 Hena ikyo, kaka na lumbwia vakwa, mukithangana iku muye, veranenyi. 34 Mndu akaichwa njaa, na aye kenyi kwakwe, netha iku mkithangana hamwi kibava iku ni milaho. Na ihusa mambo ghengi muandikie, nachemurora nikichecha.