¹ Idor Aako baraa' buhhawose dasir Sayuni ngira dahaas baraa tlafta buhhawos. Inos xirfu doo muku Israeli nguan /eetiis wa gawaa' dawri ay yaamu. Baaloodar buhhawose tam kitangw ya awos ngi qaasi ngwa inslayka. ² Aako mijir Yokobo sleemeero ngire qorororos tam nga gurtlayka. Deeloodar buhhawose aleeda gawit ar mijir muku Yeda ngire daahh, mukda uren nee waawiti'iimar ine ngire yaamu i daahh ner murekesay. ³ Baraa' buhhawose kwada dihhe inos /uruu muku Israeli ngure tsaat. Inos dakos nguna ki/is siwada inooin tawa dir wakuuwe. Yakobo nguna daa/a ner gar idor tsufrangw asla oo dihh. Umoo gaaro ar dida i tseew kare qororooas. ⁴ Ga/aleeros ngire tseek ngire amoren xuus nee dakos oo doo /uyay ngure amohhe'ees asuma slaqwara. Muuda sleemeero hhoohhoo oo baraa' hemar muku Sayuni ngure hhamees, Muneeros ngire ku'us gawain idor asla. ⁵ Aako aa idor wakuusmo tleehhit muku Israeli nguna qororo'oos. Mareyin sleemeero ngaa qororo'oos. Aleeda gawit ngire hhitin. HHimani nee wa/aa/i nire tlahii wa baraa' muku Yuda. ⁶ Do'os ngure fee. idor /aaslangw baraa' quuntlaa. Dida deelor ur kawa tlehhahhita ngire hhitim. Aako Sayuniro waawtumo nee kaahamusmo ngire sii asuma muneeros tada dihh. ⁷ Aako kitangos kudoo ilahhooa nguna sii nee diros tada hhoohhoo ngire tlank. Do'os ngure hariis dir dabaa wakuuse. Tare baahhuus waa baraa' doo Mungu idoda ar deelor ur. ⁸ Aako Mungu ngire slaa aleeda ar mijir Sayuni ngiwa hhitin. Tambidar qoomeemes ngire tumuus nee inos dakos ngwa ki/isiika as alee ngiwa may. /Ampu nee aleero ngire daahh, sleemeero ngire qwaarees. ⁹ Tsufer marein ire pahh yaamu ngire hhitin nee muqslada alee akar tseegiiti ngire giqay. Waawtumowos nee na/ii waawtumowo taa baraa' tla/angw ayeemo, daberin tada i male kahh nee aaruuseeros iiguutuu amor Aako Mungu daahh ngu slesleerka. ¹⁰ Bariiser muku Sayuni tare iwiit yaamu tare xasliit. Tlaraangw kure kwakwaahh gawaa' Sagerin guneydu kire tsiit. Dasuu faangee oo Yerusalemu sagerin kare mahhatiis ay yaamu. ¹¹ Hherhheerii ilaee na kahiye /a/eewo guruuee i xuuruu munoee i gurhaamuut waalo uma hhituruumar mukeee na/ii ninakwe iwa /aaraarana waa baraa' ur duu muji. ¹² Tare oo dir amuuin "moro/ayma nee gr waha i amola? Inooin nire /araarane baraa uraduu muki idor hee taa tlaaqan inooin nire hhane gawaa dabaa amuuin. ¹³ Gar ni oo aa mila kuunga muku Yerusalemu? Gar nur alqoomees a mila as kahhoo nuwa gurkwa/as kuunga muku Sayuni? Asuma hhituru'umarok ka ur waalo idor tlawi. Hee kuunga nu aleeslaw a ma'aa hhoeesaro? ¹⁴ Aaruuseerok gar a aan a igu'utuu lama nee oo al/aymahhoo dandowoge. Tlakweemawok ngaa geehhooeesiika as kahhoo daqariimaro'k kingi waa ki/isi, inooin moroo naa aaine a kwada kuung u qwaareemiis. ¹⁵ Mukda sleemeero wararaahh baraa' uruwaro tsa/i kin diif asuma kuung. Tan wanyeeruus nee sagerin ngin diingimisiiya as muku Yerusalemu tawa kaahi mujiri a tadaeke aangeero tawa kaai hhohhooarto aa harwarahh, "Tada yaamu tleemeero naa saqwala/ii?" ¹⁶ Wakuuserok sleemeero aferin ngina gwed as kuung u wa waqaaqaiya inooin un waaqaasesena nee in /antlina /ayiya tawa kaahi iga qororo'osaan! Baaloon an tada taa damraaramaan! Hindi aga i hadahaan nee aga araan! ¹⁷ Aako Mungu tada sleemeero ngina tleehh idoda ngira qoomees tleehharo. /Aymuwos kwada aa oo ngure boo/ees. Ure warqes ner gurtlemu wasle, asuma wakuusmo ngwa qwala/atiis daandoowoge /uruu wakuuseerok nguna tlees. ¹⁸ Kuunga muku Sayuni munemohung i /aa/iy amor Aako! Hhirhheerihung i wa/amine idor me'ee baraa' yae amsi nee tlatla/ango. Ma hungu/uusara ilaahung mindiwa huungu/uusii. ¹⁹ Amsi sleemeero tlatlaw /aa/amiim imir tla/aangw amsi diren /aa/amiim! Kangw baraa' munowok faakeek oo ingo dir geeraa, Aako. Dabawok amoros tay tles as slafingw na/awok kwada /araarama waa baraa' afee urdu as qwari kiwa alee firiin. ²⁰ Aako Mungu' na ga/aweek nee inslawiim hee taa idor aten /iis a ma'aa. /Ameena na/ain kwada na umaamine ngi qo /ayang? Kaahamuusmo nee aaruusmo kin hhameesi baraa' Doda hhoohhoo oo Aako? ²¹ Tuu sleemeero awa muku ninakw nee muku urene ni na slufaaslufii waa baraa' afee urdu. Dasuee nee masoo mbaree ar daqaay kire tsuu/ ner paanga tam nga gurtlayka. ²² Kuung wakuuseree kare iigu'use idor muku deelor ur aw an da'ayumiit umoo barto, baloodar muner Aako Mungu hee aa kwarhhiit laqa oo aa ba/ani kaahh, na/aee kwada na du'uumiis nee naa umiim kire kire qororo'oos nee wakuuseree.