¹ Mujiri aang geerawo ka muu yaariir nee hindi a kilos met. Ina idor kwaaloo tleehhit inos geerawo an tada ur baraa' ayeemowo. Aang aa na/ee doo waawtumo baraa' tla/angw ayeemoo nee hidni kaa /uruukes baraa' lawali'iima. ² Amsiwo in in /aa/amaamiin nee hhimai nee hhirhheeriwos ire gororxiye tlaqarmawos ngire tuntuukii. Tam oo wak oo ngaa gurkwa/as i kaahh. Inos kama sakiy nee hhoouseeros sleemeero inooin tare wakuuse tleehhiit dirose. ³ Aluu narkw nee slehheemisawo muku Yuda tare dah baraa lawali'iimar talkwa. Tan hoot waa baraa' tla/angw ayeemo nee idor hho ar ta slaslay i kahh. Inooin kire ohin nee mukda ngi gusisiim qoomar tawa baraa' slahh'amu i diri'i. ⁴ Urduu Sayuni i hhimausiya as hee xaw iwa kahhi balor deelor ur ar ta amohhe'ees. Tsufii marein slemeero naa tawo netii. Kaahmuserin sleemeero i baraa' hhimair uren. Dasuwos oo fangay kun durxun nee inso kila i baraa' slahh'amuu ur. ⁵ Wakuuseros ire uruseros tleehhit wakuuseros ire slawiin. Asuma Aako Mungu inos ngina slehhieemiis as tlakweemawos kwada yaariir. Na/awos kwada ninakwa kire ar tlay nee wakuuseros ay baraa' lawali'iimar tlakw. ⁶ Dasir Sayuni kaa geexay nee hhohhoari. Na/a waawti'i marin a idor tlaqatar qawo wasl inooin nina gowii nee i /uruu kona aka dir geera kwada ngi gusisimaa. ⁷ Baraa' deelodar slahhamuwose nee maray iwa kahhiya Yerusalemu marowos kwada tlaxo gawden i koon imir geerawo ngure inslee. Qoomar mukos iwa huu gawaa dabaa wakuuseros hee gaa /iis i kaahhh. INos kare ga/aay nee kare waqaseesen nee wakuuseros asuma huumaawos. ⁸ Yerusalemu tlakweemaa ure gaa tlehh waalo gawaa' idoorihe ire idor gar slasla/aar tleehhit. Mukda geerawo ngi ilaiwawaa/ alkwaare kana waqaa asuma /ankwetsewos nguwa ariye. Tam na al idosiyye inos i baraa' hhimai warqeemu ngure iat. ⁹ Slasla/aruuwos ku geehhoo ay baraa' tlabaa dahasa. Ala inos qwanaywos ngu hhoslitka. Huumawos ki slasla/aar waalo. Nee hee ngaa gurkwa/a i kaahh. INos ire /a/ i kat, "Aako Mungu kuung slahhamu ee ga/aweek asuma wakuuser'ee iga bal waalo." ¹⁰ Wakuuse daberin ngaa qas gawaa' morooren kwada oo tlaxo gawden. Inos ayeemo angaa arii iwa darahiya dida hhoohoo kuung taa gareyin as miniwa dahii dirok tada ar dinkuuma. ¹¹ Mukos sleemeero ta baraa' hhimain asuma tawa moro/aymar leeelehhiti moroin kwada tlaxo gawden kun moroo/aymar tlarun as tiwa /isiya. I kaahiya "Aako Mungu qaytsiit ani inslawang asuma ani gar'ee kahh. ¹² Aso a gaarookahe diroge kuungasinga sleemeero waaraahha? Qayste nee ga/aawak hee gurhaane idor ani i dero tida tnda gawaa' ani qaas inir Aako Mungu ani iwa slehheemiis baloodar buhhawos kwada dihh. ¹³ Asuma arla ngina gawta wa /etiis ay baraa' faduee ire bal tsaaxweli ngire geera ree qaas as iwa ya'aoohi nee ire warqees. Ire geexay baraa' dewa'ame nee daqaa tlakwe. ¹⁴ Tlakweemaee sleemeero ngire hhuutl ngire qaas gawaa istaee ale. Ani ngire harslaqaat. Aako ani ire qaas gawaa' dabaa muku ni tu/aka. ¹⁵ Aako hhawate'ee ngire bihhay kwaahh kwada hho ani iga tu/uje. Inos dinkuuma ngire /akaa niwa haratleer amor'ee as masoombaree kawa qororosi. Aako dasuu faangay oo Yuda ngure kal/aa/an idada sabiibu kur kal/aa/an baraa xooslmo ¹⁶ Gawaa' idoorihe ani an /aa/amiim as idori. Ilaaee in waa/amina wa hhirhheeri asuma hee hariim oo ani gurku=wa/as kuwa saaw direne. Na/aee nire kiloin metii asuma wakuusmoee aa baalin. ¹⁷ Muku Sayuni dabain kina gawti tlees iwa alee/issee fiririina nee inooin hee gaa gurkwa/as i kaahh. Aako Mungu haraeya ngaa oo dandoo Yakobowo ar mukda dirosi tseew iwa wakuuseros tleehhiti. Asuma Yerusalemu aa gar slasla/ar tleehhit dir'ine. ¹⁸ Aako Munguu i ganaamuu kon asuma ani haraeyar ana sii. Xooro kuunga ian qasaak nee slahhamuuee ga/aawaak. Dasuee nee daqayo kire ar tlay baraa' lawali'iimar tlakw. ¹⁹ Sla'aaruuser'ee ngire /akaa aluwo inooin ani ina al/ayiye kaahamuuser'ee nee bariiseero nina hhone baraa' muji qoomar tawa moroo/aymar leelehhiti oo slafingwin ngur tu/iya. ²⁰ Gaa/aaweek Aako Mungu idor ani nir baraa slahhamu i dirii gurooee i xuuruu munooee ina xwaraxwari baraene asuma ana dee/amuut waalo. Baraa urduwo in aayi kin tsuu/ ner paanga baraa' do'o gaa gwaara kilos. ²¹ Hhimairee ngaa xaas nee hee ani iga gurkwa/asi kaahhi Wakuuseree sleemeero slahhamuee ngwa axasii nee tada kuung na ani tlehh inooin ngina saqwala/ii. Balooda ta al axwes ni hardat maweek inooin sleeme idor ani tlehhitiye. ²² Maweek tlakweema sleemeero kingi dir geeraawok i huwi. Nee kire askwaslemut idoda ani kuung ira askwasleemut asuma tlakeemaa'ee kwada Yaariiri sleemeero. Hhimairee ka yaariir waalo nee munoee i /araaran.