¹ Ani a hee slahhamu ngwa slay ne hharta buhha Aako Mungu. ² Mungu ire guus nire hi'iimiit waa baraa' boo/a. ³ Loo'eemawo dakos ngure amoree tlees iwa tahhi ire inkikii/ deelo sleemeero. ⁴ Inos slaqwte'ee nee kaaharte'ene ngina hhitaatin nire hhituruut faduee ngire giqay. ⁵ Ina harweer ire ilaa/ baraa' slahhamu nee baraa' duuraai. ⁶ Ani ire dahaas braa' boo/a idor mukdoo geera aa hhan. ⁷ Ina harweer ner alee as kahhoo maka kwarhhiit ire tseeg ner piinguu ilo, ⁸ nee tam aga alaa /akaakai nee niwa /a/aamiim as niw aaleelisee tiririm inos firo'ee axaasaro ngina sii. ⁹ Urduee ngire tuuntuuk ner aleer tla/uu taa dakuut, nee urduee ngire gaas. ¹⁰ Inos dir'eene aa idor duubuu gigdiim neee idor dirangw aa nahhaat. ¹¹ Inos urwaree ngina warqees ire kilo'ee geexay. ¹² Ba/aleeros ngire uuruux ani ire qoomees idor dida mahaangos ir qon. ¹³ Munuee nguna tlaagw ner maheerii baraa' tlangasiiros. ¹⁴ Ani aa idor gar wangyeera dir muu sleemeero tlatla/aangw sleemeero tin nooin ner daa'aangw. ¹⁵ Ani slahhiamu iga baal nee tire wahhaamiis ner me'ee qaraaqara. ¹⁶ Sihheniee ngire gongorootl neer tlaa/e ngire geeqaaqay ani ire qon'oons baraa' turpi. ¹⁷ Baraa' munu'eene wayda aa qwaar tam idoda qwala/a i dirii ana ginqaarees. ¹⁸ Gawaa' idorihe an kaah, "Xirfuuee nee harahhitoreene naa qwaarii dir Aako Munguhe." ¹⁹ Slahheemsoee nee ditsokwaree baraa' inslaw in slehheemisiya waalo idor qara. ²⁰ Munuee deelo sleemeero kangwi ngun inslaslay nee aa haats gurhaamiro. ²¹ Tam naa al idoorihe harahhifo an slaw gaari wak baraa' inslaw baraa munu'eene. ²² Ala'aar warqawaaka ar Aako Mungu i baloo fakka nee qurtleemuuwos i alhhe'eesee konka. ²³ Moro'owi kun /aben umoo matleer tlawa inkihhimuuwos ku ur. ²⁴ Ani an kah, "Aako Mungu an aaliree," gawaa idoorihe ani inos un harahhiif. ²⁵ Aako Mungu ku hhoo waalo dir kwada ngu da maramaa nee dir kwada ngu leelehhitaa. ²⁶ Aa gar hhhoo hee ba/amar Aako Mungu ngiwa damaaran ner qitla. ²⁷ A gar hhoo hee qitla nguwa instsaahhi imir masoombi'iimarose. ²⁸ I kilos iwiiti dir inos tawa kilos i xasliiti bar takayi Mungu slahhiamu ngwa hariis. ²⁹ I maahhati ta ay baraa' turpi aforos ngi tleesi ar iwa kaahi dooqa harahhifo ideer. ³⁰ I ya/an tlanqarmawos kiwa difi nee kwada ngu diif nee i ya/aan tuwa go tliiti waalo. ³¹ Asuma Aako tundu baloo si'iika ay alhhe'eese wasle, ³² nee tam ti gurhaamir aya inos gurtleemu ngu kon oo harqomee yaaremaa sla'aariros tada warqawaaka. ³³ Asuma inos ngi slaika muu nguwa slehh'eemisi laqaa muu nguwa gurhaamir ay. ³⁴ Mukda sleemeero taa tseegiit bara' yaamuwo kiwa baramaamuusi, ³⁵ laqaa hariimar hee kawa warqeesi dir geeraa kwada gawti diria dirose, ³⁶ laqaa hariimar hee baraa' /itiin Aako moroo ido kwisi ngu slaiika. ³⁷ Hee gaa ngi oo ire tleehharut aa ma'aa a bar Aakowoka? ³⁸ Moroo tlakw nee moroo hhoe amor i daraahhi baraa afkwa kwada Gawti diriake? ³⁹ Hee slaaf idor ir qumumu/i a idoola? Hee burkwa diif as tlakweemawose? ⁴⁰ Urduuren ki alqaytsitaan nee ki aldakwaan nee ta ki/aan amro Aako Munguren. ⁴¹ Dabaaren nee munemooren gawti tleesare amor Munguu dawri. ⁴² Aten aga dakusaan nee ure siaan, nee kuunga aten taa gurtleeriika. ⁴³ Kuung tina tuntuk ner muneneerok tire digirdel tire tsu/ tam taa gurtleerika. ⁴⁴ Tina lu/ ner tlafoo idor tirooren iw ahardatka. ⁴⁵ Aten tina idor gar slasla/ar tlehh nee idor xwaanslaay baraa' tla/aangw ayeemowo. ⁴⁶ Wakuuseeren sleemeero aten tunduna afuumis. ⁴⁷ Xuure nee bohoonten i qeeraarer hhami nee hhituruuma ta sleer. ⁴⁸ Hhirhheeni ilaaee in wa/amina idor wa/aangw asuma mukee kuwa qwaarees. ⁴⁹ Hhirhheerii ilaaee in wa/amina tam qama i kahh, tam i hungu/umisiaka, ⁵⁰ ay dir Aako Mungu gawaa' dawri nay baray qaytsiti hhirhheeriee ngi ari. ⁵¹ Baraa' qaytsiit gurhami in eer tada in aayo kaa /imiis baraa' mujirihe. ⁵² Ani tina tawo slakaat idor tsi/ir wa ale nee wakuseree sleemeero. ⁵³ Inooin ani ina slafi /eetisii baraa' bohoonto ire tuntukii ner tlaale. ⁵⁴ Ma'aay ani ire harawa/ii gawaa' sagwee. Nire oo, "Kaangwee aa qon!" ⁵⁵ Umuwok ngure /akaa Aako Mungu waa baraa' alhhe'eese bohoonto. ⁵⁶ Afor'ee kare axaas. Aforee ana axaas siwada niwa oo, "laawok n=mii lu/aar as /a/e'ee niwa a/ee/isee fiririim." ⁵⁷ Uwa /akaa nire tsewuur ire bet "Ma da'ayumitaar." ⁵⁸ Aako kuung kwasleemar ee ana aleeka/a/, slafingw'ee kure ba/amis. ⁵⁹ Aako Mungu kuung tlakweemaa tinda ani i tleehh iga aan, kwasleemar'ee ti tleehhang ner hhooeemawok. ⁶⁰ Kuung muhaay in uga aan nee tada sleemeero inooin tleehhmor slaiya gawaa'eene kuung a ga/eer. ⁶¹ Aako Mungu kuung gotlitooni uga axas tada tlakw ta slai tleehhamoro daandu'eene kuung aa ga/eer. ⁶² Afeer wakuuser'ee gar i axwes a daandoo'ee tlatla/aangw sleemeero. ⁶³ Ga/aaweek bar ta iiwii=tiit laqaa bar ta hi'iimiit a qo ani in nooina ner daa aangw. ⁶⁴ Aako Mungu kuung inooin bueek ner harqoomee gadiyer'in. ⁶⁵ Munemooin tawo geexawe idor qumunu/ay iwa kahhi! Sakwasleemarok i gawaain. ⁶⁶ Aako Mungu, kuung diqirdeleek ner buhhawok qororo'oseek gawaa' daandoo yaamuwo.