¹ /Aymu Aako Mungu inaharda dir Yona ki/ima tsar, ire oo, ² tlatlaw inawi kaweek ayada ur nee /aymue alki/itek kwada ni diroki oo'. ³ Nee Yona inatlay iredagay ninawi ku ur waalo, ina hiimit ay hhayumar deelo tam. ⁴ Yona ire dahh baraa' ayda ina hiimiit deelo tam aforos ngere tlees ire oo baraa' deelo miberii tsiyahh Ninawi kaqororoo's. ⁵ Muk aya Niniwi Mungu ngure ya/anee kangw tawa gwawin kure oo tlaba gwadiding kire tsiit hee ur nee oo Ninawe ⁶ Kangwi wawutumo Ninawi ngina daqi tsahh ire sihhiit wa gawaa kitangos kwad oo wawitiima tlabaawos ngire duux tlabaa gwadiding ire tsiit ire iwiit baraa' da/ara. ⁷ Wawutumo kangw ngure oo inos nee mukos oo ureen baraa ayaa Ninawi gidaaba umoo hee maa gaa tsaaq tam makitoo laqa tama daqata hikwa taqadaqata be/angw tam maay minga wahiye. ⁸ Muu nee makewo kiwntsusi ner tlabaa gwadiding i/a/iye amor Mungu ner afro ur umoo heewo i wargay tlehhimiwos kwada tlakw ngi may itiit baraa' tlakweemada baraadabawos diria. ⁹ Hee ngi xuu aa maa Mungu iwaya/an iwawarqay buhhawos ngiwa may aten mitindaqwarees. ¹⁰ Aako Mungu ngina ar toda geerawo i tleehhi unduin kwada tlakw ngiwa maya nee Aako Mungu hhatloros ngina warqes tada tlakw geerawo tleehh inos nga tleehhika.