¹ Yona idoda ngina sii wa loo ire munut, ² Yona Aako Mungu nguna fiin ire oo Aako Mungu kangwsi a kwadaa=eke na oo qomar niwaki/ii baraa aya ee i ale? Ani gar nisa mutliit nire tlaw ay baraa' yaamuu Tarshishi asma anxuu gidaaba kuung a Mungu gurhhoo nee Mungu gurtlemu koom nee guhhawo tu inslahheeka kuung a hats inkihhumohe kuung kangw tlakw uwereqes. ³ Gawaa idooirhe hindi Aako Mungu ani kuung ufiiriim flafingwee hengese asma diriene gwaara a tsini ta hotawo. ⁴ Aako Mungu ina oo iqonda muna uwagasi?" ⁵ Nangay Yona ire tlay mjini ire iwii hahhi da/aw o jiji iwa hardah dida /aslaang ngure tleehh ire iwiit baraa' mahhatumo iale ar aya nguwa ari aso idor /isi. ⁶ Aako Mungu sai ngina tiitis ngire ures gawaa Yona iale asma iwa mahhatimo tlehhiti gawaa sagoo Yona ar slahhamwos iwa /aruy. Yona qwaloo ur nguna ay asma sai. ⁷ Bolo tsar Aako Mungu nganagi ngina ya/aaw saitada kana/ay nee nanagi irekat. ⁸ Qoomar looa niwaa tiit matlaatle Mungu furaa ar /uuruu koom nginaa ya /aaw wada/aaw. Nee tee tseelama iree paal gawaa sagoo Yona imiros iree daa latuur iree huu. Aluuwo Yona gwa ara ngiree fitlin iree kilos oo tiye gwa'araa tsini ta slafiingo. ⁹ Aluuwo Mungu Yona nguree bay igoondang kuung tawaa munaner koond gawaa danodd saitiye? Yona inaa oo ee iqoond muna iwaafaki tam bargwaa. ¹⁰ Aako Mungu ina oo si anaa gurtleeri sai anaa gurtleeri ar ta gadiyer waatlehhika nee akaauresiikang ar naati'iit amsii ale iree kat amsi ale. ¹¹ Ihii ani a hariimakee Ninawi ngiwa gurtlaw gixsar ur baraada e muku yarir ideer oofaro kuumeer tsiiru nee mibeeri tsar oo gar tsatsahhama'aa kang oo barta dakoo doo /uway xu'aa akang nee barta dakoo doo basay xua aakang nee sleme hhikwa yariree?