¹ Aluuwo Yona Aako Mungu wos nguna firirin wa baraa' guro smakumo. ² Inao Aako Mungu una/akakaa gwaa slahhamaema nee inos ire iarngaas baraa guro samakumo wa ale ana /a/amim am=sma ale/isay afoor ee ngina i ariqas. ³ Ani kuung inakwahh dir saaw waalo baraa guro tlawi nee maay ani inakarweriye nee biintlaar maauy tlemeero, maay tlemeero nina gawaae deelii. ⁴ Ani niro oo tinaguus dir ilaawok wa ale aluwo nire mele qaytsit gawaa' amor dook koda hhohhoo i ale. ⁵ Maay inatuntukiye ire harweenye ay tla/aangw ista ee dida tseree ar tlawi ire gu/ slarhh baraa' tlawi sagwee ngure tuntuk. ⁶ Nire /eet ay baraa' alhhe'eesay tlomii, tsufii yaamuuee kire tseeg waa aluee ner tsegimor baloo geenitaka nee kuung slafingwe'ee una tles waa baraa' bohongoo gwaara. ⁷ Qoomar munoe iwa/e/etin baraene Aako Mungu una/akakaa na firotee ninahardat amorok baraa dook kwada hhoohhoo. ⁸ Kwada sleemeer Mungu hatla haratlintatia kwad goomaaka gana'amuwok ngwa siiye kiloin ale. ⁹ Ani kuung uilahho ari hanies ner afornaas nee tada naa axwees aa hardahaas asma ba/amaa amor Aako Mungu ngin dahh. ¹⁰ Aako Mungu samakumo nguna i ilawaats samakumo Yona ngure waa/ baraa' afko tlawi.