¹ Ishiwi ilyaishilekwisa kuli Yeremia ukufuma kuli Yahweh, ilyalandilwe ati, ² ''Iminina pampongolo ya ng'anda yakwa Yahweh elo nokubilikisha aya mashiwi! ulande ati, ''Umfweni ishiwi lyakwa Yahweh, bonse mwebakwa Yuda, mwebo mwebengila ishi impongolo mukupepa Yahweh. ³ Yahweh wamilalo, Lesa wakwa Isreali, alanda ifi: pangeni bwino inshila shenu nemicitile, elo nebo nkamileka mukatwalilile ukwikala muli ino incende. ⁴ Mwiipela kukucetekela amashiwi yabufi elo nokulanda ati, ''Itempele lyakwa Yahweh! Itempele lyakwa Yahweh! Itempele lyakwa Yahweh!'' ⁵ Pantufye ngakuti mwapanga inshila shenu nemicitile ubune: ngakuti mwafishapo ukucita umulinganya pakati ka mwaume nomwina mupalamano- ⁶ ngatamwakalekakasha uyu untu ekala mu caalo, umwana wanshiwa, nangu mukamfwilwa elo tekwesha ukwitila umulopa wakaele muli ino incende, elo tekwesha kutandalila tu lesa tumbi kukuiletela ubonaushi- ⁷ elintu nebo nkamileka mukalekwikala muli ino incende, mumpanga iyo napele kufikolwe ukufuma mu nshita shakale elo nokutwalilila. ⁸ Boneni! mwebo mulecetekela mumashiwi yabufi ayo ayetengamyafwa. ⁹ Bushe muleeba, ukwipaya, elo nokucita ubucende? Bushe mulasuka ifyabufi elo nokupela ifyacena cabune kuli Baali elo nokutandalila tu lesa tumbi uto tuntu twamwaishibe? ¹⁰ Elintu bushe mwaisa elo nokwisakwiminina kuntanshi yandi muli ino ng'anda iyo iyaitwa mwishina lyandi elo nokulanda ati, ''Twali pusushiwa,'' eico kuti mwacita fyonse ifya muselu ifi? ¹¹ Bushe eng'anda ii, lyasenda inshina lyandi, ininga ya fipondo mumenso yenu? Nomba boneni, nalicibona ici- Uku kulanda kwa kwa Yahweh. ¹² Eico kabiye ku ncende yandi iyo iyali ku Shilo, uko kuntu nebo nasuminishe ishina lyandi ukwikala mukutendekafye, elo ubine ifyo naishilekucita kuli yee pamulandu wabubifi bwabantu bandi abakwa Israeli. ¹³ Eico nomba, pamulandu wamicitile yobe iya ficitwa fyonse ifi-uku ekulanda kwakwa Yahweh-nebo nalilandile kuli mwe panshita nenshita nakabili, nomba tamwali kumfwa. Nalikumyeba, nomba tamwalikwasuka. ¹⁴ Eico nomba, ifyo naishile kucita kuli Shilo, efyo nkesa kucita nakuli ino nganda intu yaitwa mwishina lyandi, inganda intu mwebo mwacetekelamo, incende intu nebo napele kuli mwebo nefikolwe fyenu. ¹⁵ Pantu nkesa kumitamfya ukufuma kuli nebo ngefyo natamfishe bamuninenwe, bonse abamubufyashi bwakwa Ephraim.' ¹⁶ Elo nganiwebo, Yeremiah, wilapepelako ababantu, elo wilabilikisha inkuta yakulosha nangufye nangufye ukupepa ipepo mulubali lwabo, elo wilampapatila nebo, pantu nshakomfwe kuli webo. ¹⁷ Bushe taukobona ifyo balikucita muisumba shakwa Yuda elo namumisebo shamu Yerusalem? ¹⁸ Abana balikulonganika inkuni elo bashibo balikwasha umulilo! banamayo balekasa umufuba uwakupangila keke wakwa namfumu wamumyulu elo nokwitila imituulo yafyakunwa kuli tu lesa tumbi pakuti banenge ukufulwa. ¹⁹ Bushe mucinefyebalikufulwisha nebo?-uku kulanda kwakwa Yahweh-tabalikukalifyafye abene beka, pakuti insonishili pali bo? ²⁰ Eico nomba shikulu Yahweh alikulanda ifi, 'Bona, ubukali bwandi elo necifukushi fikesa kupongolokela muli ino ncende, ponse pabantu elo nenama, pafimuti fyamumabala elo napafisabo fyamushili. Cikalepyafye elo nokukana shibwila. ²¹ Yahweh wamilalo, Lesa wakwa Israeli alikulanda ifi, 'Bikilenipo ukulundapo ifyabupe fyakoca elo nemipusa shanama kuli bo. ²² Pantu uluntu nafumishe ifikolwe fyenu mucalo ca Egypt, nshalikukabilapo akali konse ukufuma kuli bo. Nshabapelepo ifyakubakonkomesha palwa fyabupe fyakoca elo nefyelambo. ²³ Nabapelefye icipope ici ati, '''Mulekumfwa kwishiwi lyandi, elo nebo nkaba Lesa wenu elo namwebo mukaba abantu bandi, eico mulekwendela munshila intu nebo ndikumikonkomesha, pakuti cikalekuba bwino kuli mwebo.'' ²⁴ Nomba bena tabalekumfwa awe nangufye kupepeka amatwi yabo. Balikwikalilafye mu mapange yakatutumushi ayamitima yabubi yabo, Eico balikubwelelafye inuma, tekuya intanshi awe. ²⁵ Ukufuma pa bushiku uluntu ifikolwe fyenu fyaishilekufuma mu calo ca Egypt ukufika na lelo, Nebo nalitumine cila umo pa babomfi bandi, bakasesema bandi, kuli mwebo. Nalipampamine mukubatum. ²⁶ Nomba bena tabalikumfwa kuli nebo nangu kupepeka amatwi yabo. Tabalikubikako namano mucifulo cakuti, bena bakoseshe imikoshi yabo. Bena baishilekubipishapo ukucila pafikolwe fyabo. ²⁷ Eico bilikisha yonse aya mashiwi kuli bo, nomba bena tabaumfwe kuli webo. Bilikisha ifi fintu kuli bo, nomba bena tabaisekukwasuka. ²⁸ Landa kuli bo ati: Cino ecalo icishumfwa kwishiwi lyakwa Yahweh Lesa waciko kabili tacipokelela kulungamikwa. Icine calyonaulwa elo no kufumishiwapo pa tunwa twabo. ²⁹ Putauleni imishishi yenu elo nokuibeya mwebene, elo nokuposa imishishi yenu. Imbeni ulwimbo lwa kuloosha pa ncende yapalwalala. Pantu Yahweh alikene no kutaluka ino nkulo mubukali bwakwe. ³⁰ Pantu abana bakwa Yuda balicitile ifibi mumenso yandi- uku kulanda kwakwa Yahweh- bena balibika ifintu fyabo ifyamuselu mung'anda intu yaitwa mwishina lyandi, pakuti besekuikowesha. ³¹ Uluntu bena baishikukula incende yasumba iyakwa Tofete lyaba mu mupokapoka wa Beni Hinnomu. Bacitile ifi pakulaoca abana baume babo elo nabanakashi mu mulilo-ifintu nebo nshabakonkomeshe, icishalifye na mumano yandi. ³² Eico bona, inshiku shikesa-uku ekulanda kwakwa Yahweh-uluntu tayakatwalilile ukwitwa Tofete nangu umupokapoka wakwa Beni Hinnomu. Ukusekuba umupokapoka wakwipayawilamo; bakalekushika ifi tumbi mu Tofete mpakafye pakese kubula incende yakushalapo. ³³ Ifitumbi fya aba bantu fikesakuba ifilyo fya fyuni fyamulwelele elo ne naama shampanga isha mwisonde, elo takwakalekuba nangu umo uwakushitamfya awe. ³⁴ Nebo nkesakubika impela ku misumba yakwa Yuda elo nakumisebo ya Mu Yelusarem, iciunda cakusangalala elo ne ciunda ca kucankwa, iciunda cakwa shibwinga elo ne ciunda cakwa nabwinga, pantu icalo cikesakuba icafyefye.''