¹ Pali ilya nshita-uku kulanda kwakwa Yawhe-bakesa kufumyafye mumanda amfupa ya mfumu sha Yuda elo nabacilolo baciko, amafupa yabashimapepo elo naba kasesema, elo namafupa yabekashi bamu Yerusalemu. ² Eluntu bakesa kuyasalanganisha palubuto lwa kasuba elo nolwa mweshi elo netanda shonse ishamulwelele; ifi fintu mulwelele ifyo balikukonka elo nokubombela, ifyo balikutandalila nokufwaliisha, kabili fintu bali kupepa. Amafupa tayakesa kukolonganikwa nangu ukushiikwa nakabili. Yakesakuba nga umufundo pamuulu wamushili. ³ Ku ncende shonse ishashaalako uko kuntu neebo nabasalanganisha, bakalekusalapo imfwa ukucila umweo abene, bonsefye abo abashalapo ukufuma muli cino Caalo icbi- uku kulanda kwakwa Yawhe wamilalo. ⁴ Eico landa kuli boo ati, Yawhe alelanda ifi: Bushe anani awa ukwabula ukwima? Bushe nani aluba elo ukukana eshakofye nokulondoka? ⁵ Cindo aba bantu, Yerusalemu, bayalukila ukubeleleela mukubula icicetekelo? Bena baikatilila mukususha ukucetekela elo nokukanaukulapila. ⁶ Nalibikileko amaano elo nokumfwikisha, nomba tabalikulanda ifyabune; tapali nangu umo uwakulanguluka pabubifi bwakwe, tapali uulanda ati , "Cindo ncitile?" Bonse bayafye uko balefwaya, ngakafwalo alebilimina kubulwi. ⁷ Epofye ne fyuni fyamilimo itali ifya mumulu fyalishiba inshita yayana; elo ne nkunda, notumimbi elo ni ngoli. Filaya muluukuko lwafiko pa nshita iya linga, nomba abantu bandi tabaishiba ifipope fyakwa yawhe. ⁸ Cindo mwalandila ati, "Tuli bamano, pantu amafunde yakwa Yawhe yali nafwebo"? Mucinefye, bona! Akalembelo kabufi akanwa kalemba kalipanga ubufi. ⁹ Abaume bamano bakomfwa insoni. Balitina elo nokwikatwa. Bona! Balikana ishiwi lwakwa Yawhe, eico amano yobe yakubomba ndo? ¹⁰ Eico nkesakupela abakashi babo kuli bambi, elo namabala yabo kuli abo abakayakwata, pantu ukufumafye kubapina ukufika ku banonshi, bonse bakukabila ubnoshi bwamulufyengo! Ukufumafye pali kasesema ukufika pali nshimapepo, bonse bacitafye ubufi ¹¹ Baposhafye ifilonda fyabantu bandi pamulufye, nokulanda ati, "umutende, umutende ," uluntu tapalipo nomutende. Bushe balyufwilepo nnsoni uluntu balikucita ifyamuselu? Bena tabalikumfwa ne nsoni; tabalikwishiba ukwikatwa ne nsoni! ¹² Eico bena bakesakuwila mubawa kale; bakesa kuletwa panshi uluntu bakalimunwa, efyelanda Yawhe. ¹³ Nkabapwilikisha ukubafumyapo-uku kulanda kwakwa Yawhe-takwakabe imyangashi kufimuti fyamikunyu, nangu imikunyu kufimuti fyamikunyu. Pantu amabula yakalokota, elo nefyo napela kuli boo fikesakupita. ¹⁴ Cindo fwebo twikalile kuno? Iseni capamo; natuleya kumisumba iyakuulwa, elo tuyekuba tondolo kulya kwine mumfwa. Pantu Yawhe Lesa wesu alatucita shilili. Akesakutulenga ukunwa sumu, pamulandu wakuti tulibembukile ukufuma kuli ye. ¹⁵ Fwebo tuleenekela umutende, nomba takwakesekuba ifyabune. Tuleyenekela inshita iyakuposhiwa, nomba bona, kukesakuba ifyakutinya. ¹⁶ Ukung'onta kakwa kafwalo wakwe kulyumfwikole ukufuma ku Dani. Icaalo conse ciletenkana ku ciunda cakulila kwabakabalwe bakqwe abakosa. ¹⁷ Pantu bakesakwisa no kucibula incende elo nobunonshi bwaiko, umusumba elo nabonse abekala muli wene. Pantu bona, ndetuma insoka pakuti kenu, ishabusungu ubo tamwinga sumuna. Shikalekumisuma-uku kulanda kwakwa Yawhe."" ¹⁸ Ubulanda bwandi tabukwete impela, elo nomutima wandi walilwala. ¹⁹ Bona! Ishiwi lyakupunda ilya mwana mwanakashi wabantu bandi ukufuma ku caalo cakutali saana! Bushe Yawhe taba mu Sioni? Bushe imfumu yauyu mwanakashi tayabako kulya? Cindo nomba balikuntendekela kukufulwa kufimpasho fyaboifyakubaswa elo notulubi twabula ubuyo utwenu? ²⁰ Ukusombola nalupita, ulusuba nalupwa. Nomba fwebo tatwapusushiwa. ²¹ Nalicenwa pamulandu wakucenwa kwa mwana mwanakashi wabantu bandi.Nebo ndalosha pafintu fyacipesha mano ifyacitika kuli ye; Nebo nalisungukwa. ²² Bushe tamwaba mufi mu Galeadi? Bushe mulya tamwaba kaposha? Cindo ukuposhiwa kwamwana mwanakashi wabantu bandi takucitikila?