¹ Fwayeni ubucingo, mwebena Benjamini, pakusha Yerusalemu. Lisheni ipenga muli Tekoa. Imyeni pali Beti Akkeremu icakwishibilako, apo ububi apo ububi bulemoneka ukufuma kukapinda kakukuso; icakushonaula camaka cileisa. ² Umwana mwanakashi wamu Siyoni, umwanakashi umusuma kabili uwakunakilila, akesakonaulwa. ³ Bakacema elo no mukuni wabo ukesakuya kulibo; bakesakwimika am tenti ukumushinguluka konse; cila mwaume akesakuicemena no kuboko kwakwe umwine. ⁴ ''Ipelesheni mwebene ku milungu pa bulwi. Imeni, iseni tubapakase mukasuba. Cintu cabipisha ukuti akasuba kaleyamukuwa, pakwebati ifinshingwa fya cungulo filepon. ⁵ Lelo natuye tupakase pa bushiku elo nokonaula amalinga yakwe.'' ⁶ Pantu Yaweh wamilalo alanda if: Temeni ifmuti fyakwe, elo nkwisakufilonganika imiina kwilinga lyaku Yerusalemu. Uyu emusumba wakulungama ukupakashilamo, pantu waisulamoulufyengo. ⁷ Ngefyo icishima cipongolola amenshi yabune, efyo noyu umusumba utwalilila ukufumya ubunkalwe. Impasase elo nobonaushi efyumfwika muliye; ubulwele elo nefilonda filetwalilila pa cinso candi. ⁸ Sumineni ukufundisha, Yerusalemu, nangu nkesakupilibuka ukufuma kuli mweboelo nokwisakumipanga abakonaika, incende iishingekalwapo.'' ⁹ Yaweh wamilalo alanda ifi, '' Cine cine nkesakupita bonse abaishilekuya mu Israeli kwati libala lyamyangashi. Tambulwila nakabili ukuboko kobe kukutola ifisabo mu fimuti. ¹⁰ Bushe nikuli nani ukunalasosa ne cikabilila pakuti bomfwe? Boneni! Amatwi yabo tayasembululwa; balifilwa ukuposako amano! Boneni! icebo cakwa Yaweh caisa kulibo kukubalungamika, lelo tabalecifwaya.'' ¹¹ Lelo ninjisulamo necipyu cakwa Yaweh. Nanaka ukucisungilila mukati. Alandile, kuli nebo ati,'' Cipongolwele pabana ba mumisebo elo napamabumba ya baume abaice. Pantu onse umwaume akesakupitilwa pamo no mukashi wakwe; elo nacila mukote uwakufina nemyaka yakwe. ¹² Amayanda yabo yakesakupelwa kuli bambi, pamo impanga elo nabakashi babo. Pantu nkapakasa abekashi bamucalo no kuboko kwandi_ uku ekulanda kwakwa Yaweh. ¹³ Yaweh akonkomesha ati ukutampila ku mwaice ukuyakufika kuwakukulisha, bonse bankalwe mukunonka ubufi. Ukufum kuli bakasesema ukuyakufika kuli bashimapepo, bonse basambila ubufi. ¹⁴ Nabaposha ifilonda fya bantu bandi mukwangufyanya, elo balelanda ati, 'umutende, 'umutende,' uluntu pashili umutende. ¹⁵ Bushe balishilekulengwa insoni uluntu baishilekucita ifyamuselu? Tabali ne nsoni; tabaishibe ifyakumwentula! eico bakesakuwa pabawa; bakesakuletwa panshi uluntu bakesakupanikwa, efyalanda Yaweh. ¹⁶ Yaweh alanda ifi, ''Iminina pa musebo uleciluka elo ubone; wipushe inshila shakale. 'Bushe nikwisa kwaba iinshila iyabune?' Eluntu ukesakuya muliyo elo nokuyakufwaya icifulo cakutushishamo mwebene. Lelo abantu balanda ati, 'Fwebo tatwaye.' ¹⁷ Namisalile bamalonda abakukutika kwipenga. Lelo balandile ati, 'Tatwaumfwile fwebo.' ¹⁸ Eico, mwebamufyalo , umfweni! Boneni, mwebakambone, finndo fikesakubacitikila. ¹⁹ Umfweni, mwe calo! Boneni, Nebo ndimukuleta amasanso kuli aba abantu_ ifisabo fyamatontonkanyo yabo. Tabatesesheko kwishiwi lyandi nangu kwifunde, lelo balilikene.'' ²⁰ Cindo ubu bunani buleila pamulu ukufuma ku Sheba bulepilibula kuli nebo? Nangu ififyena fya bune ifilefuma ku calo ca kutali? Ifyabupe fyenu ifyakoca tafisuminishiwe kuli nebo, Nangu fyelambo fyenu. ²¹ Eico Yaweh alanda ifi, 'Boneni, nebo ndi mukubikapo icakucilikisha pali aba abantu, Bakesakuipununapo_ bawishi elo nabana baume pamo. Abekashi elo nabenamupalamano babo bakesakufwa.' ²² Yaweh alanda ifi, 'Boneni, abantu baleisa ukufumina ku calo cakukapinda kakukuso, icalo cikalamba nacikumbaulwa ukufuma kufipandwa fyakwakulepesha ifya calo. ²³ Bakesakubula amata elo nemifwi. Bakaka elo nenkumbu tabakwata. Ifiunda fyabo fyaba kwati ni bemba uuleluma. elo baleenda pali bakabalwe, ukuipekanishisha nga baume babulwi, nawebo, wemwana mwanakashi wamu Sioni.''' ²⁴ Tulyumfwile ukusoselela palibo elo na amaboko yesu yapomponteka. Ubukali bwapwa nga namayo uulepapa. ²⁵ Wiya panse mumabala, elo wiyakwendamo mu misebo, pantu ulupanga lwabalwani elo nabakupakasa icalo nabashinguluka bonse. ²⁶ Wemwana mwanakashi wabantu, fwala ifyakufwla fya masaka elo uuikulunganye mwitoi; uloshe necikonko capamwana mwaume umofye mpo, pantu konaula alaisakwisa pali fwebo ukwabula ukwibukila. ²⁷ ''Nalimipangila, Yeremia, umo uwesha abantu bandi kwati ngafilya umo engesha icela, pakuti ucecete elo nokwesha imibele yabo. ²⁸ Bonse bantu bakukosesha imitima,abaya mukwamba abanabo. Bonse baba fyela elo mukuba, ababomba mumafisakanwa. ²⁹ Imyuba yakufutwa pa mulilo uuleboca; intungulushi ya cibulwa mu mulilo. Ukulopololwa kwakonkanishiwapo palibo, lelo fyafye, pantu ububi tabufumishiwepo. ³⁰ Bakesakukutwa silifa yakukanwa, pantu Yawh nabakana.''