¹ ''Pitananeni mu misebo yamu Yerusalemu; fwayeni mumansa shamumusumba, namwena. Eluntu lolesheni elo nokutontonkanya paliici: ngakuti mwasangamo umuntu nangu umo uuli onse uucita umulinganya elo no ucita icishinka, ninshi eluntu nkesakwelela Yerusalemu. ² Nangu balanda ati, 'Ngefyo Yaweh aba nomweo, 'lelo ulelapa ifyabufi.'' ³ Yaweh, bushe amenso yenu tayabona icishinka? Muloma abantu lelo tabomfwa bukali. Mulibacimfishe mwebo, lelo balikonkenyepo ukukana ukupokelela ifunde. Balapanga ifinso fyabo ifyakukosa ukucila ilibwe, pantu balakana ukulapila. ⁴ Pantu naishilekulanda ati,'' Icishinkafye aba ebantu abapiinafye. Bapuka , pantu tabeshibile inshila yakwa Yaweh, nangu ifipope fyakwa Lesa. ⁵ Nkesakuya ku bantu bakucindama elo nokuya kulanda imilayi yakwa Lesa kulibo, pantu pantu balishibileko inshila yakwa Yaweh, ifipope fyakwa Lesa.''' Lelo bonse balitobele umulungusha bonse; bonse baliputawile ne myando ishabacingilila bena kuli Lesa. ⁶ Eico inkalamo ukufuma mumitengo ikess kubekata. Iciswango ukufuma muli Araba cikesakubonaula. Imbwili ikesakwimina imisumba yabo. Uulionse uwafumina panse yamusumba wakwe akesakuputaulwa . Pantu bumpulamafunde bwabo bulifulile. Imicitile yaboiyakubula icicetekelo ilefulilakofye. ⁷ Cindo ningabelaela aba bantu uluse? abana baume bobe balimumfumisheko amano elo balilapile kuli tulesa tumbi. Nalibalishishe ukufikapo, lelo bacita ubucende elo nokwenda mumpendwa iikulu ukuya ku mayanda yabacilende. ⁸ Bali nibakafwalo mucikabilila. Balebuluma kukufwaya ukukumana. cila mwaume. Cilamwaume alilila umukashi wakwe. ⁹ Eico tekuti mbakande_ uku ekulanda kwakwa Yaweh _ elo tekuti nandule nebo nemwine pa luko ulwakuba ifi? ¹⁰ Nineni pamulu mwibala lyakwe ilyamyangashi elo no kulyonaula. Lelo mwileta ukonaula fyonse kuli fyena. Saileniko utumisambo twamyangashi, apo iyo imyangashi tayafuma kuli Yaweh. ¹¹ Pantu amayanda yakwa Israeli elo na Yuda balifutukile nebo_ ukuekulanda kwakwa Yaweh. ¹² Balilandile ifyabubi pali Yaweh elo nokulanda atii, ''Takacitepo ifili fyonse; nangu ububi ukwisakwisa pali fwebo, elo tatwakamone ulupnga nangu cipowe. ¹³ Bakasesema bakesakusanguka umwela, icebo tacaba muli bena, eico lekeni ifyo balanda ficitwe kulibo.'' ¹⁴ Eico Yaweh, ifi efyo Lesa wamilalo alanda ati, boneni, ndebika icebo mukanwa kobe. Cikesakuba kwati mulilo, elo aba bantu bakesakuba kwati ninkuni! pantu ukesakubacibula bonse. ¹⁵ Boneni! ndi mupepi nokuleta uluko pali mwebo ukufuma ukutali; ing'anda yakwa Israeli_ uku ekulanda kwakwa Yaweh_ uluko lumo ulwakukosa, uluko lwakale! luko ulo mwebo mushaishiba ululimi lwabo, nangu mwebo ukufisa ifintu balanda. ¹⁶ Umucenje wabo waba kwati ninshishi yakucenama. bonse bashilika. ¹⁷ Bakesakulya fyonse ifyo mwasombola elo na ifilyo. Bakesakonaula abana baume benu elo nabana banakashi benu. Bakesakonaula ifitekwa elo na maombe . bakesakonaula imyangashi yenu elo nefimuti fya mikunyu. Bakesakuwisha amalinga yenu nolupanga umo mwebo mwacetekela. ¹⁸ Lelo nangumuli shilya nshiku_uku ekulanda kwakwa yahweh-Nebo nshaka pwishishishe ukumyonaula. ¹⁹ Uluntu webo, Israeli elo na Yuda, walanda ati, Çindo Yaweh Lesa wesu acitila fyonse ifi fintu kuli fwebo?' eluntu webo, Yeremia, ukesakulanda kulibo ati,'Ngafilya fine mwebo mwapondokeleYaweh elo nokubombela imilungu yabenafyalo mu calo cenu, eico mwebo mufwile ukubombela abenafyalo mucalo icshili cenu.' ²⁰ Uyekufisha ici kungánda yakwa Yakobo elo nokuleka cikesekumfwika muli Yuda. Landa ati, ²¹ 'Umfweni, mwebantu bapukamwe mwebakubula ubwishibilo, mwebakwata amenso lelo tayamona, elo mwalikwata amatwi lelo tayomfwa. ²² Bushe mwebo tamuntina_ukuekulanda kwakwa Yaweh_ nangu ukututuma pa cinso candi?ndibikile umucanga ukuba umupaka wabemba , ukupampamika kwakutwalilila ukuti cionaula_ nanguline bemba engesulaelo nokupona, nalyoline taconaula. Nangu amaaba yaima, tauciluka. ²³ Lelo ababantu balikwata umutima uwakutalama, Ulaluka bucisanguka elo mokuya kumbi. ²⁴ Pantu bena tabalanda mumitima yabo, ''Natutiine Yaweh Lesa wesu, uuleta imfula_imfula yakubangila elo neyakulekelesha munshita iyakulinga, ukusunga imilungu iyapmpamikwa iyakusombwelamo kuli fwebo.'' ²⁵ Imembu shenu ishasunga ififintu mukukanacitika. Amasembi yenu eyalesha ubusuma ukwisakufika pali mwebo. ²⁶ Pantu abantu ababubi basangwa na bantu bandi. Balatanga ngabantu ababeleme pakwikata utoni; balabika ifteyo fyabo elo nokwikata abantu. ²⁷ Kwati nikasalanga iiswilemo utoni. Amyanda yabo yaisulamo ubucenjeshi. Eico balabyala apakulu nokwisakusanguka abakankala. ²⁸ Balisanguka abakwina; bena balabeka pakuba abantu abakutelela. Balitolokele yonse imicitile yakubipa. Bena tabalubulwilako abantu abalanda, nangu bana banshiwa. Balatunguluka nangu tabapele umulinganya kubalanda. ²⁹ Bushe tekuti mbakande pali ifi fintu_ uku ekulanda kwakwa Yaweh_ elo bushe tekuti mpange icilandushipalwandi pa calo nga ici? ³⁰ Fyabunani elo fyakupapusha mu calo. ³¹ Bakasesema basesema nobufi, elo nabshimapepo bateka namaka yabo abene. Abantu bandi balitemwa ici muli uyu musango, lelo findo fikesakucitika pakulekelesha?''