¹ Ici ecebo cakwa Yahweh ico icaishile kwisa kuli Yeremia pamulandu ne cilala, ² ''Leka Yuda aloshe; leka impongolo shakwe shipone panshi no kulekana. Bakolangulukilila icebo; ukulilila Yerusalemu kwabo kwaya pamulu. ³ Abakankala babo batuma ababomfi babo kukutapa amenshi. Uluntu baya kufishima, tabasangileko amenshi bonse babwelele ukwabula ukusenda amenshi; mu mitwe yabo mwaishile amasakamiko elo no kupeshiwa amano.'' ⁴ Pamulandu waifi umushili wali ne milala, pantu takwali imfula mu calo. Abalimi balengwa insoni elo bafimbana ku mitwe. ⁵ Pantu nangu ni nsebula yasha utwana mu mpanga no kutuposa, pantu tamuli icani. ⁶ Ba punda ba munpanga baninine fye mu mpanga iya pabuka bakoakaaka fye ukuba kwati ma ni bamumbwe. Ameno yabo nayanaka tayakobona, pantu tamuli umulemfwe.'' ⁷ Nangula amampulu yesu yatushinina pali fwebo, Yahweh, citeni pa mulandu we shina lyenu. Pantu ukubifya kwamicitile yesu kuleya fye kuntanshi; fwebo ni kuli mwebo twabifya. ⁸ Ni mwebo isubilo lyakwa Israeli, uyo uutupususha mu nshita ya mafya, findo webo wingabela kwati mweni mu calo, kwati mulendo uwaisa no kwikala fye ubushiku bumo fye? ⁹ Findo webo wabela kwati ni umo uyo bapumikisha, nangu kwati mushilika uutakwete amaka ya kupususha? Webo waba mukati kesu, we Yahweh, ne shina lyobe likutwa pali fwebo. Witusha fwebo! ¹⁰ Yahweh alanda ifi kuli aba bantu: ''Pantu bena balitemwa ukwendauka, tabakanya amakasa yabo ukufuma ku kucita ifi.'' Yahweh tasekelemo muli bo. Nomba aibukisha mu mano yakwe ifibi fyabo elo akakanda amasambi yabo. ¹¹ Yahweh aishile kulanda kuli nebo ati, ''Wipepela aba abantu ifyabune. ¹² Pantu nga bafunga ukulya, ntakomfwe ku kufwaya kwabo, elo nga bapela icabupela ca malambo yakoca, na malambo ya cakulya, nebo ntakomfwe kuli bo. Pantu nebo nkabapwisha ku lupanga, ku cipowe elo na kucikuko.'' ¹³ Eluntu nebo naishile kulanda ati, ''Iye, mwe Shiluku Yahweh! Boneni! Bakasesema bakolanda ku bantu ati, 'Tamwakabone ulupanga mwebo; takwakabe ne cipowe kuli mwebo, pantu nebo nkamipela ukucingililwa ukwa cine muli iyi incende.''' ¹⁴ Yahweh aishile kulanda nebo ati, ''Ba kasesema baseseme ifyabufi mwi shina lyandi. Nbeo ntabatumine abo, nangu nebo ukubakonkomesha nangu no buwelewele, ukubuka kwabufi kwisa ukufuma mu mano yabo abene efyo basesema kuli mwebo.'' ¹⁵ Eico Yahweh aishile kulanda ifi, ''Palwa bakasesema abasesemqa mwi shina lyandi lelo nebo ntabatumine-abo abalanda ati talwakese ulupanga nangu cipowe muli cino calwe: Abo bakasesema bali nokonaulwa ku lupanga na ku cipowe. ¹⁶ Eluntu na kubantu abo basesemeneko bali no kuposwa mu misebo ya mu Yerusalemu pamulandu wa cipowe no lupanga, pantu takwakabe nangu umo uwakubashika-bena, abakashi babo, abana babo abaume, nangu abana babo abanakashi-pantu nebo nkabika ifyabubi fyabo pali bo. ¹⁷ Landa ici cebo kuli bo: 'Leka amenso yandi yalile ifilamba, ubushiku na kasuba, Wibaleka bena baleke, pantu kuli no kuba ukufunshika ukukulu ku banakashana banacisungu ba bantu bandi- ne filonda ifikulu ifishakapole. ¹⁸ Nga nebo naya mu mabala, kuliko bamo abepaiwe kulupanga! Nga nebo naisa mu musumba, muli amalwele ayafuma kycipowe. Bonse bakasesema na bashimapepo basakamana pamulandu ne calo, elo tabeshile.''' ¹⁹ Bushe naukaninina abena Yuda? Bushe naupata Sioni? Findo webo watumina ulo tapali ukupola kuli fwebo? Twalolela umutende, lelo takuli nangu cimo icabune- elo ne nshita ya kupela, lelo boneni, kuli fye ukutinya. ²⁰ Twasumina, mwe Yahweh, imilandu yesu, amampulu yafikolwe fyesu, pantu fwebo lwa libembukila mwebo. ²¹ Mwituukana fwebo! Pamulandu we shina lyenu, mwileka icipuna cenu icabukata cibe icafye. Ibukisheni elo mwiputula icipangano cenu pali fwebo. ²² Bushe kwabako utumilungu twa mufyalo utwingaleta imfula? Nangula imyulu iyine kuti yaponya panshi imfula? Bushe te webo umofye, mwe Yahweh Lesa wesu? Tupembela kuli mwebo, pantu ni mwebofye umo uyo uucita ifyo fintu fyonse.