¹ Yaweh aishilekulanda kuli nebo ati, ''Kabiye elo uyekushita umushipi wakolokondwe nokukaaka mumusana obe lelo tecakwesha ukutubika mumenshi pakubalilapo.'' ² Eico nalishilekushita umushipi ngefyo Yaweh anjebele, nokukaka mumusana wandi. ³ Eluntu icebo cakwa Yaweh caishile kuli nebo umuku wa cibili, ukuti, ⁴ ''Bula umushipi uyo webo uuli mumusana obe , ima nokuya nomba ku Perati. Uye kuifisa mumulala wamu cilibwe. ⁵ Eico nebo naliile nokuyakufisa mu Perati, ngefyo Yaweh ankonkomeshe. ⁶ Panuma yanshiku ishingi, Yaweh aishilekulanda kuli nebo ati, ''Imanokubwekela ku Perati. Kukuyakubula umushipi uyo anjebele ukuyakufisa kulya.'' ⁷ Eico nebo naliile ku Perati no kwimba umushipi apo naufishile, elo boneni , wena walyonaikile nokupwililikafye taukwete no mulimo. ⁸ Eluntu ishiwi lyakwa Yaweh lyaishile kuli nebo, aliti, ⁹ Ifi efyalanda Yaweh: Munshila imo ine nkesakonaula abena Yuda nabena Yerusalemu pakatutumushi kabo akakuulu. ¹⁰ Aba abantu ababifi abo abakana ukumfwa kwishiwi lyandi , abo abaya panuma ya tulesa tumbi kukutushinshimuna nokufukama kuli twena _bena bakesakuba ngoyumushipi uushingabomba nangu cimo. ¹¹ Pantu ifyo umushipi ukambatila kumusana wa muntu, efyo efyo nalengele abamung'anda yakwa Israeli bonse naba mung'anda yakwa Yuda ukukambatila kuli nebo_ifi efyaishillekulanda Yaweh_kukuba abantu bandi, kukundetela ishina , ukundumbanya, elo nokuncindika. Lelo bona tabali bakumfwa kuli nebo. ¹² Eico webo ulingile ukwisakulanda ili ishiwi kulibo ati, 'Yaweh, Lesa wabena Israeli ,alanda ici: Umutondo onse ukesakwisulamo umwangashi.' Bena bakesakulanda kuli webo ati, 'Bushe cinefye fwebo tatwaishiba ukuti umutondo onse ukesakwisushiwa no mwangashi?' ¹³ Eico landa kuli bena ati, ici eco Yawe landa :Boneni, nebo ndino kwisusha ukukolwa mubekashi bonse abamuli cino calo, ishamfumu isho ishaikala pa cipuna cakwa Dabidi, bashimapepo, bakasesema, elo nabekashi bonse abamu Yerusalemu. ¹⁴ Eluntu nkesakubatobanya umuntu no munankwe, bawishibo nabana capamo_ifi efyo Yaweh alanda _nebo nshakesekubalangulukila nangu ukumfwa inkumbu, elo nshakesekubaleka ukufuma mukonaulwa. ¹⁵ Umfweni elo nokukutika. Mwikwata icilumba, pantu Yaweh alilandile. ¹⁶ Peleni umucinshi kuli Yaweh Lesa wenu ulo talaleta imfimfi, elo uluntu ena talalenga amakasa yenu ukuipununa pampili icungulo bushiku. Pantu mwebo mupembelela pa lubuto , lelo akesakusangula incende mumfimfi iyakufitisha, mwikumbi ilyakufitulukila. ¹⁷ Eico mwebo ngatamwakese kumfwa, nkesakulila neka pamulandu wa cilumba cenu. Amenso yandi limo limo yakalelila no kuponya nefilamba, pantu umukuni wakwa Yaweh ulisendelwe muli bunkole. ¹⁸ ''Landa kumfumu nakuli nyina wakwa namfumu , 'Tentemukileni ukufuma pa fipuna fyenu ifyabufumu, pantu ifisote fyenu ifyakuyemba filiponene ukufuma ku mitwe yenu.' ¹⁹ Imisumba yamu Negebu ikesakwisalika, takuli nowakuisula. Aba Yuda bonse bakesakusendwa muli bankole ukwakubula no wakushalapo . ²⁰ Sansuleni amenso yenu nokubona bamo abaisa ukufuma kukapinda kakukuso. Uli kwisa umukuni ena amipele, umukuni uyo uwali uwabune kuli mwebo? ²¹ Nindo mwebo mukesakulanda uluntu Lesa akesakubika pali mwebo abo mwasambilishe kukuba abanenu ukuti bakamiteke? Bushe ifi tefyakutampilapo ukukalipwa uko ukesakukomwako nga umwanakashi mukupapa? ²² Eluntu webo kuti walanda mumutima obe ati, ''Nindo ifi fintu filencitikila?' fikesa kuba kubwingi bwamampulu yobe ukuti amalaya yobe ukuti amalaya yobe yapimpulwe nobe wacendwa. ²³ Bushe abena kushi kuti bayalula inkanda yabo, nangu imbwili kuti yayalula amabala yaiko? Nga efyo, nomba webo wemwine, kuti wacite cabune, nangu mwaishibila mukucita ububi. ²⁴ Eico nebo nkesakusalanganya ngo musungu uyo uulepita mu mwela wamu matololo. ²⁵ Ici cine eco nebo napele kuli mwebo, iciputulwa ico namilingil_uku ekulanda kwakwa Yaweh_pantu nebo mwalindaba no kucetekela fya bufi. ²⁶ Eico nandibo nemwine nkesakumifula ifyakufwala fyenu, elo nefipande fyamubili wenu ifyakufisama fikesakuboneka. ²⁷ Ndibwene ubucende bobe no kubobwela kobe, ububifi bwa bucilende bobe patupili na mumpanga, elo ndibwene ifi fintu ifyamuselu! Ubulanda kuli webo, Yerusalemu! Nililali pakuti webo ukeskuba uwakusanguluka nakabili?''