¹ Eluntu Yahweh aishile kulanda kuli nebo ati, ''Nangula fye Mose nangu Samwele balikutalama pantanshi yandi, nebo tekuti mbe no luse pali aba bantu. Batamfye ubafumye pa menso yandi, kuli bo ukuti baye kumbi. ² Cikatika ulo bakalanda kuli webo ati, 'Nikwisa uko fwebo tukoya?' Eluntu webo ufwile ukulanda kuli bo ati, 'Yahweh alanda ati: Abo abakaba ku mfwa bafwile ukuya kumfwa; abo abakaba ku lupanga bafwile ukuya ku lupanga. Abao abakaba ku cipowe bafwile ukuya ku cipowe; elo abo abakaba mubasha bafwile ukuya kubusha.' ³ Pantu nebo nkababika mu mabumba yane-uku ekulanda kwakwa Yahweh-ku lupanga ukwipayapo bamo, imbwa shikasendapo ifitumbi fimo, ifyoni fya mu mulu elo ne nama sha mpanga isha mu calo ku kubapwishisha elo no konaulapo bamo. ⁴ Nebo nkabapanga icintu ica kutinya ku ma bufumu yonse aya pano calo, pamulandu wafyo Manase umwana mwaume wakwa Hesekia, imfumu yakwa Yuda, acitile mu Yerusalemu. ⁵ Pantu ni nani uukakukwatila uluse webo, we Yerusalemu? Uyo uukakumfwila ubulanda? Webo walinkana nebo-uku ekulanda kwakwa Yahweh-webo walifuma kuli nebo. ⁶ Eico nebo nkakuma webo ne minwe yandi elo no konaula. Nebo nanaka ukukumfwila uluse webo. ⁷ Eico nebo nka mululula kwati misungu pa myenshi ya mu calo. Nebo nkabalofya. Nkonaula abantu bandi pantu tabafuma ku mibele yabo. ⁸ Nebo nkapanga ba mukamfwilwa babo ukufula ukuba kwati mu canga wapalulamba lwa bemba. Nipali banyina ba balumendo banono nebo nkaletapo uwakonaula panshita ya kasuba. Nebo ukubapapusha elo ne cabulanda icakubapumikisha cikapona pali bo. ⁹ Nyina uyo uwa fyele abana cinelubali ali no kubalufya. Al nokufwa umutombo. Akasuba kakwe kakawa ilyo kaciliko. Akaba uwansoni elo uwasebana, pantu nebo nkapela abo abapuswike ku lupanga mu ceni ca balwani babo-uku ekulanda kwakwa Yahweh.'' ¹⁰ Akalanda kuli nebo, we mayo wandi! Pantu webo walimfyele nebo, ndi muntu uwa kushupa elo uwafikansa mu calo conse. Nebo ntakongweshapo, nangula umuntu nangu umo ntakongweshapo, lelo bena bonse bakontipwila. ¹¹ Yahweh alanda ati: ''Bushe nebo ntakucingilile ku bune? Nebo nkalenga abalwani bobe bakalombe ubwafwilisho munshita ya macushi no bulanda. ¹² Bushe umuntu umo kuti akontola icela? Makamaka icela ifiuma ku kapinda ka kukuso ico basakanyamo no mukuba? ¹³ Nebo nkapela icuma cobe ku balwani bobe elo nefyo wasunga nkabapela fye bakafitapa, we sambi lyobe lyonse ilyo wacita monse mu mipaka yobe. ¹⁴ Eluntu nebo nkakulenga nkabombela abalwani bobe mu calo ico tawaishiba, pantu umulilo ukobilima, icipyu candi cikobilima pali webo.'' ¹⁵ Mwe Yahweh, mwebo mwalishiba! Njibukisheni elo mungafwe. Leteni ubucingo pali nebo kuli abo abantu abampakasa. Mwalibasakamana, lelo mwibasuminisha ukunjipaya; mwishibe ukuti nebo nculila pa kulanda pali mwebo. Icebo cenu calisangwa, elo nebo ndacicibula no kucimina. ¹⁶ Icebo cenu caisaba kuli nebo insansa elo ulubuto lwa ku mutima wandi, pantu nebo nabela ishina lyobe, we Yahweh, Lesa wa milalo. ¹⁷ Nebo nteka mutubungwe twa abo abasekelela fye nangu abasansamuka. Nebo ngikala neka pa mulandu wamaka ya maboko yobe, pantu webo walingisushamo icifukushi. ¹⁸ Findo ukukalipwa kwandi kutwalilila fye elo ne cilonda candi tacapola, cilekana ukupola? Webo ukoba kuli nebo kwati menshi yabufi kuli, nebo, amenshi ayo ayakonauma? ¹⁹ Eico Yahweh alanda ifi, ''Nga walapila, we Yeremia, eluntu nebo nakupuputula webo, elo webo uli no kutalama pali nebo elo no kumbobela. Nga walekanya ifinru fyabupuba ukufuma ku fintu fyakale, ukuba kwati kanwa kandi. Abantu bali no kubwelela kuli webo, lelo webo we mwine taufwile ukubwelela kuli bo. ²⁰ Nebo nkakucita kwati cibumba ce libwe lya mukuba kuli aba bantu, elo bakabika ubulwi na webo. Lelo tabakakucimfye webo, pantu nebo ndi nobe ku kukupususha elo no ku kupita webo-uku ekulanda kwakwa Yahweh- ²¹ pantu nebo nka kupita ukufuma ku minwe ya babi elo no ku kulubula ukufuma ku minwe ya lukakala.''