¹ Pabumalilo bakamu bangu, inguyugha ukuti, ''muhobokeghe mwa malafyale.'' chitakunditisya napo panandi pakupyanisya sona amasyu ghagho na simba kale, pakuti chindu chimo chicho chingabafwa ukuti chindu chimo chicho chingabafwa ukuti mutakilamwe. ² Muchebaghe na bakabwa bababa, abandu babo bakumba ifinyali muchebaghe na bandu babo bakwibolania-bolani imbili. ³ Pakuti uswe twe basilimuliwe abana loli, twe tukumughindika u Chala umwakulongosiwa nu mupepo umuswepu, sona tukuhoboka mubumi bwitu ubwaku mamatilana poka nu kilisitu u Yesu, awe tutakusubila inyiho isya mubili. ⁴ Napapo nune bubu indi ni chifukwa ivha kusuila inyiho isya mubili nandi weka akwinong'ona ukuti ali ni chifukwa ichskuti angasubila inyiho sya mubili nune indi ni chifukwa ichakukilapo. ⁵ Paku ingasilimuliwa pisiku ilya Eyiti, une ne mu Isilayeli mukapapiliwa, uwa luko ulwa Benjamini, sona umu Hebeli umwenecho, pakuyugha nisya ndaghilo isya chiyuda une ingaba ne uwa kabukatila ababa falisayi. ⁶ Ingaba nu lweke ngani umwakuti ingachifwima ichipanga, pakuyugha nisya muno umundu akuyughiwa pakuba mugholou pakukonga indaghilo, une indakaba ni chilema nachimo- chimo. ⁷ Ifindu fisyo kale ingafibonagha ukuti fili ni mbombo, ulu ingufibona ukuti fite sona ni mbombo pachifukwa icha sisyo ukilisitu akabomba. ⁸ Momumo fyosi bubu ingufibona pakuba fisita imbombo, pakuti imumenye u Yesu kilisitu umalafyale wangu, pa chifukwa ichi, ingutagha ifindu fyosi, sona ingusenya ifindu fyosi pakuba mindu bubu umwakuti ubukabi bwangu bubange we kilisitu. ⁹ Sona chicho ingulonda chakuti imamatilane poka nawe indangiyugha pakuba mugholofu pa nemwene pakusikonga indaghilo, loli pakusubila mwa yesu kilisitu, ubugholofu ubwakufuma kwa Chala bwimite palwitiko. ¹⁰ Chicho ingulonda chakuti imumanye u kilisitu, sona nukuti imane amaka gha gho ghakukamususya kubufwe ingulonda sona ukuti ingabane numwe amayimba ghake nu kuba we yuyo mubufwe bwake. ¹¹ Nune bubu indi nu lusubilo ulwakuti ingwisa pakusyaka kubufwe. ¹² Indakuyugha ukuti napota kale, pamo ne wakufikapo kale, awe loli indi nu iweke ukuti ingole umufwalo, ghugho u kilisitu uyesu akangoleka ukuti imbaghe wake. ¹³ Mwee bakamu bangu, indakwinong'ona ukuti napota kale, awe, loli pali ichindu choka chicho ingubomba ingulufya ifya kunyuma, sona indi nu lweke ngani pakunyulukila ifya mundasi. ¹⁴ Ingukindilila ku bufiko ubwa nyangalo ukuti imbokele umufwalo kumwanyanya, ghugho uchala anyitisikisyako ukwendela mwa kilisitu u Yesu. ¹⁵ Uswe twebosi twe tukulite mu mupepo tubaghile pakuba ni nyinong'ono sisisi, sona ndi balipo abandu bamo baba bali ni nyinong'ono isingi uChala akwisa pakubafumbulila pabwelu. ¹⁶ Loli ukuya namumo ingabela, sakuya namumo ingabela, sakuno twendelele pakubuka mundasi ukuyana ni ndaghilo sisyo twakonga mupaka ulu. ¹⁷ Mwee bakamu bangu, mwendelele pa kweghelela ubumi bwangu, sona mu baketelesyaghe abandu, sona mu baketelesyaghe abandu babo ba kukonga ichifwanikisyo chicho tukabapa. ¹⁸ Pakuti nabagha ingubabusya kabilikabili, po ulu ingupyanisya sona pa kulila na masosi, ukuti balipo abandu abingi, babo ingalo yabo yikulangisya ukuti balwa ba chipingika icha kilisitu. ¹⁹ Ubumalilo ubwa bandu bababa, ko kusimila, pakuti u Chala wabo yo fukwe syabo. Bakwitufikisya ni findu fifyo babaghile pakukosiwa fyo isoni imyoyo yabo yili pafindu ifya muchisu ichapasi. ²⁰ Loli uswe akaya kuti kali kumwanya sona kokuko tukulinilila umupoki witu uyesu. ²¹ Umwene akwe pakwandula imibili yitu yiyo yikafwa nukughepela ukuti ghsbaghe ngati gho mubili wake ubalughindiko ukwendela mumaka ghake aghakupotela nagho ifindu fyosi.