¹ Umwakusita ukwalamwa, ubumi mwa kilisitu bukubami amaka, sona ulughano lwake lukubakasya nukutisya ubogha mukuba bamoyo ghoka mu mupepo umuswepu, sona mukupelelana ichisa nu kupasikisania. ² Ichifukwa ingubasuma ukuti muhobosye une pakwitikisya nyinong'ono nu nukughanana nukuba mumoyo ghoka na munyinong'ono. ³ Mutakabombaghe nachimo-chimo mumoyo uwakwiyighana pamu uwakwitufya. Loli mubange bakwiyisya,sona mubamaghe abayinyu pakuba bapamwanya ukubakila umwe. ⁴ Umundu wesi atakanong'onelaghe ni fyake fyene loli inong'onelaghe nifya bandu abangi bubu. ⁷ Mubange nu moyo ghugho Ukilisitu Uyesu akaba nagho. ⁶ Yuyo pakuba mukabele aka Chala atakipama mwene ukuti chikaba chapamwanya ngani ukupokiwa ubwa chala bwake. ⁵ Loli akafula ulundikiko lwake. Nukusenya akabonekele aka busya akanduka mundu. m ⁸ Akiyisya mwene nukwifwila mupaka kubofwe bwake bubu akafwala pachipingika. ⁹ Pachifukwa chichichi UChala akamukwesya pamwanya ngani akamwita ingamu yuyo itayanite ni ngamu syosi. ¹⁰ Umwakuti ifipeliwa fyosi,ifya kumwanya na pachisu ichapasi sona na kusi kuchisu ichapasi fifughame pakughindika ingamu iya Yesu. ¹¹ Umundu wesi itike nu mulomo wake ukuti Uyesu kilisitu we malafyale umwakuti Uchala uTata apoke ulughindiko. ¹² Po ulu baghaniwa bangu, munyifwilaghe nulu bubu ukuyuna na mumo mwanyifwilagha bwile mutakanyifwele pene papo indi poka numwe. ¹³ Po mwendelele pakufisya ubupoki bwinyu nu bogha sona nukutetema. Pakuti we Chala yuyo akubomba imbombo mumwinyu ukuti mulondaghe. Sona nukuti mubombaghe ukuyana nu bwighane bwake. ¹⁴ Bomwakuti bubu syosi umwakusita u kwilumbusya pamu ukususya. ¹⁵ Umwakuti mubange bandu abaswepu, sona abati nongwa nukuba bana aba Chala abasita chilema nachimo-chimo babo bawikala muchisu icha bandu abangulilo imbibi mubayana na mumo indondwa sikubalila kumwanya. ¹⁶ Bo mukubapa amasyu agha bumi. Nandi mukubomba bunobuno ingwisa pakuba ni chifukwa icha kwitufikisya nacho pisiku ilya kilisitu pakuti chikwisa pakulangisya ukuti ukwiyula kwanyu ni mbombo yanga fitakaba fyabubu. ¹⁷ Loli napapo ibanda lyangu likwisa pa kukupuliwa pachakwiyipa chicho ulwitiko lwinyu lukupa kwa Chala po ulu inguhiboka ngani, sona ingusekela poka numwe. ¹⁸ Umwakuyana bubu numwe mubaghile pakuhoboka sona musekelaghe poka nune. ¹⁹ Nandi umalafyale Uyesu itikisya ingusubila ukuti ingwisa pakubatumila u Timoti umwakuti ningakadiwa pakwifwa mumo mukwikalila. ²⁰ Inde nawe nayumo umundu uyungi yuyo akubinong'onela Ubwisa. ²¹ Abandu abangi bosi bakwiyinong'onelanisya Yesu kilisitu. ²² Loli umwe muyime akayilo aka Timoti ukuti kakulangisya ukuti kisa. Musimenye sona akuti abomba poka nune ngati we mwananu wise pambombo iyakufumusya amasyu Amisa. ²³ Po ingusubila pakumutuma kukwinyu lululu, bo namanyu bubu mumo ifindu fikwisa pakunyendela. ²⁴ Sona ingusubila mwa malafyale ukuti ingwisa kukwinyu lululu. ²⁵ Loli ninong'onagha ukuti chakuloniwa pakumutuma umukamu witu u Epafuladito kukwinyu, umubombi uwamwitu, sona umusikila uwamwitu, indumi yinyu, yuyo mukamutuma pakunyafwa une mufwakusobelwq fyangu. ²⁶ Pakuti akusamba ngani pakubabona mwebosi sona akuyimba ngani mumyoyo pachifukwa ichakuti mukifwa ukuti akabinagha. ²⁷ Momumo akabina ngani umwakuti akapamilagha kubufwe. Loli UChala akamupeleka ichisa, sona atakamupelela ichisa mwene loli akamupeleka ichisa nune bubu umwakuti indakabe ni chitima ngani. ²⁸ Ichi cho Chifukwa nalondagha ngani pa kumutuma kukwinyu, ukuti muhoboke bo mwamubona, sona ichitima changu po chikwisa pakumala. ²⁹ Po mumupokela nu buhoboke mwa malafyale. Abandu bababa mubaghindikeghe. ³⁰ Pakuti akaba papipi nukufwa pachifukwa ichakumubombela Ukilisitu. Akiyipa ubumi bwake bosi ukuti anyafwe ifindu fifyo umwe mukapotwa pakunya fwa.