¹ Lole uwe umanyishaghe fyo fikwitikishibwa ni chimanyisho chanaloli. ² Ubawule abanyanmala abakulu ukuti babe bakwikola, bakwipeleka, bwo bakwinogona bwisa, bakugoma mulwitiko mulughano nukwighuma. ³ Popapo ababule abasongo ukuti babe nuluwindiko mubwikalilo ukwa Chala ukwakulingana nabakolo bo belu mundumbula. Bakaleke ukuba bakuheha, pamo balobefu, babaghile ukumanyisha Cho chisa, ⁴ Mwakuti bamanyishaghe qbakolo ukughana abalisha babo, nabana babo, ⁵ bakabe bakwinogona akisa bwo batamenye balisha bwo babomba imbombo shamunyumba shabo. Po amashu yaChala ghatakayuyulibwe kamo. ⁶ Sona ubaghe abanyambala abawukilano ukuti bakabe bakwikola. ⁷ Mufyoshi wepe ubaghile ukuba pika pakubomba imbombo shisa. Mukumanyisha kwako unangishe ubwanaloli nu mwamphu. ⁸ Po amashu misa ghapulukikwa ghakaleke ukushushibwa ukuti umuyeni bwako akakosheke isoni, sona atakabe nikandu kabibi kakuyugha sha fyitu. ⁹ Babombiwa bope ababule ukuti babe nulwitiko kubene mbombo babo nukubahogosha mufindu fyoshi. Batakabe batulanongwa, ¹⁰ pamo bifi lole banangishe ubwisa boshi nulwitiko lwa bwanaloli, ukuti mu fyoshi bakanoshe ifimanyisho fya Chala yo mpoki witu. ¹¹ Pakuti Chala anangishe ubwisa bwake ukuti, abapoke abandu boshi. ¹² Pakutumanyisha ukuti tikaleke moyo wakana uChala, ni fyakulonda fya pa Chisu. Po mumoyo witu muchisu muno, tibe bakwikola, bisa, nabandumbula ishakumoghopa uChala. ¹³ Pakuti tusubile ulughano lwitu ulwalughindiko lwakuboneka ukwabuchindami bwa Chala witu mukulu nu mupoki uYesu kilisitu. ¹⁴ Umwene akipeleka ukuti, use ututabule ukuubibi bwoshi, nukosha abandu bake na bake bwo bakulonda ukubomba imbombo shisa. ¹⁵ Ifindu ifi fyo ubaghile ukumanyisha, po ubule nukuchenya namasasa ghoshi. Kutakabe umundu yo akabe kwake.