¹ Ukusoka kukwangu une Paulosi, umutumiwa wa Chala, numutumiwa uwa Yesu ukikisiti. Akutumibwa pa nongwa ya kukindilisha ulughano lwa bwo basalibwe ba Chala nu bumanyi bwa bwanaloli, fifyo fikufwana nu bwiputi. ² Fimite pa lwitiko lwa bumi bwa bwilabwila bwo uChala yuyo atabaghile ukushushana nabwo, bapanganite bu patali ngani. ³ Po uChala pakabalilo ko kabaghile po akaboneka mumashu ghake kwendela mubutumibwa wuwuwo bwo ngakolesha nu ulamulilo bwa Chala mpoki witu. ⁴ Ukwa Tito umwana wangu yumwene mulughano lululo tukwaghanilapo. Ubwisa nulusekelo ifyakufuma kwa Chala uTata nu kilisitu Yesu mpoki fibe namumwe. ⁵ Yonongwa ngakulekela ku Kelete, ukuti ulinganie fyoshi fyo fyonangike, sona ukuti wimike abasongo bachipanga muchisu chosi nga momo ngalongoshanga. ⁶ Usongo bwa chipanga abaghile pakuya umundu yo atanangitepo, abaghile pakuba umunyambala ubwa mukolo yumo ywene. Abana bake babe bqkupulikana mwa Yesu, batakabe bangalo inyisa, bwo batakulongibwa. ⁷ Yo akukosha pachipanga, pakuba ubulunda bwa mbombo iya Chala, abaghile kuba mundu yo atanangitepo. Akqbe mundu wakwikisha, atakabe wa bwite pamo ukuba mukali nakalinga,pamo ubwabwala, pamo uwachongo pamo yo akughana ndalama. ⁸ Lole akabe bwakwambilila abahesha, yo akughana ubwisa, bwakwisunga, umulunji, mwelu, nu bwakwikola. ⁹ Akabe mundu yo aghanite amashu gha bwanaloli, mwo ngamanyishibwila ukuti akamanye kubamanyisha abanine sha bwanaloli, nukukinda bwo batamiana nabo. ¹⁰ Pakuti abandu bingi batakulonda ukulongibwa, nganingani bakuyugha fyo fitamanyikwa,Loli abamyashi, ukusoka kwo bakabegha. ¹¹ Babaghile ukuti babe bakuleka ichongo pachifukwa bakukomania imbumba shoshi pakubamanyisha. ¹² Yumo wabasololi babo bene akati, "Abakelete bamyashi akabalilo koshi, ifinyamana fyo fibibi, balyeshi nu bukatale." ¹³ Ubukamboni bula bwa bwanaloli, sona ubaghile ukubachenya ngani ukuti abe nu lwitiko lwanaloli. ¹⁴ Mumalo mwo tukupulika ukufiloto fya Chiyuda nukundaghilo sha bandu bwo bakana ubwanaloli. ¹⁵ Kubabo boshi bwe, ifindu fyoshi fyo shibwe. Lole babo babakashusha bwo batali nulwitiko, patalu nakamo kwo koshibwe. Iminogono yabo nu njubi shabo fikashushibwe. ¹⁶ Bakwitika ukuti bamumenye uChala, lole bamukana ni mbombo shabo. Bababengit, bata nulwitiko, sona batabaghile ukubomba akandu kisa.