¹ Ubalqlushe ukuti bakabe nuluwindiko bakulamula na bamasasa ukuti bitikishaghe ukuba bakoshiwa ukubomba imbombo yoshi iya lwitiko. ² Bakaleke ukuyeba umundu napo angaba uwasembe, lole akabe wakwikisha nu bisa ukubandu boshi. ³ Nanuswe pakale twali bakonyofu, bo batakupulika, ababibi twali bandu bapinyibwa nifyindu fyibibi nifyakuhobosha ifyakulekanalekana. Twalindagha mukubomba fibibi nu bina batubenga na bandu nuswe tukabengana. ⁴ Lole pala ubwisa nulughano ni chisa ukwa Chala umupoki witu, kwabonike, ⁵ mwene akatupoka ukuti panongwa ya mbombo yo tutakabombagha mubwisa lole munongwa iya lughano lwake nalwake, kukindila mwambepo mwikemo, yo akubika koshibwa kupya mubumi upya pakosha imbibi shitu. ⁶ Umwa Yesu ukhilisiti umupoki bwitu, uChala mubwisa wake akupulile pa uswe. ⁷ Mwakuti tube bakuboloka nubulunji, nukuba abahalili mulwitiko lwakuba nubumi bwa bwilabwila. ⁸ Kayughilo aka ngabwanaloli. Une ngulonda ukuti akime pa findu fyifyo mwakuti bo bakwitika uChala bipeleke pakubomba imbombo shisa. Fifyo fyisa fili fakubomba kubandu. ⁹ Manye wingilepo pabwite bwabukonyofu, pakuyugha ulwuko, pabwite sona pakulekana na fya ndaghilo, pakuti fififyo fitakabe nichabwanaloli sona fita nimbombo. ¹⁰ Lole isha mundu we apatukako, pala bamuyugha kamokene pamo kabili, utakele poka nawe. ¹¹ Umenye ukuti mundu yuyo ngwakukomanika, umwene akwishusha. ¹² Pala ngatuma Aritema pamo Tikiko kukwako, bwandane pakwisa kukwangu ku Nikapoli, pachifukwa ngulonda ukuti ngikale kukuko pakabalilo ka fula. ¹³ Ghela ngani pakumutula uZenasi mumanya ndaghilo yuyo, pamupene nu Apolo pakuketesha ukuti patakabe nakandu ko akabe nako mupina paulendo bwabo. ¹⁴ Abandu bitu nabo babaghile ukumanyila kwipeleka pakubomba imbombo inyisa ukuti bakabatule po ukulondibwa ubumi wabo utakabe bwo utakupapiwa ifipambiwa. ¹⁵ Boshi bwo bali nanine bakuponya, ubonieleko bo bali nulughano nu lwitiko. Ubwisa wa Chala ukabe nanumwe mweshi. Ameni.