¹ Pala umwana wa ng'oshi ichidindo aghaghabwile icha bungone nu bubili ukumwanya kwatile bubo sii kwakufwana nu hafu wa kabalilo koka. ² po ngaketa qbandumi anpba ngonde na babili bo bimiliye pandashi pa Chla. Po akamupa imbata shingonde ni shibili. ³ Po ubwandumi munine akisa nukwimilila pa lyochelo lya sembe, akaba nu bakule ka golidi kakochelapo ifyakunungila fingi ukuti baye bapeleke ukuba isembe pamo nu nyiputo isya bandu boshi ba Chala po bimiliye nyochelo ilya golidi pandashi pa chisumbi. ⁴ Po ilyosi lya fyakunungila likwenite pika ni nyiputo isya bandu ba Chala ukufuma munyobe sya bandumi yo akwimilila pandashi pa Chala. ⁵ Po ubwandumi akegha akamba ka fyakunungila pq nyochelo, kala akisyusyamo umulilo bwe akegha pa nyochelo po, ataghite pase pa chisu,sona kwali ifikayokayo ichongo nukumwekuka ukwa balesa nifindindindi. ⁶ Sona abandumi bangonde na babili bo bakaba ni simbata isingonde ni sibili abakosyekile ukulila. ⁷ Ubwandumi wakwanda akeya imbata yake nukulisha , ko kwali amatalala nu mulilo bo onganite nu bandafyo fikayibwa pachisu ichapasi ichighamba choka mufighabo fitatu chipile, Napo ubwisu boshi wabilibite upile. ⁸ Ubwandumi ubwa bubili po akalisha imbata yake, popo ichindu chicho chibonekite nga lo lughamba lukulu lo lukwaka numulilo. ⁹ Po fyabumi ichigabo choka mufighabo fitatu fyo fikaba munyanja fifwile sona ingalaba, ichighabo chimochene mu fighabo fitatu fikomanikite. ¹⁰ Ubwandumi ubwabutatu akalisha imbata yake, po inyenyesi ikulu yo yikwaka nga ndi ingisi ya mulilo gho ukwaka yabwile pasi ukufuma kumwanya nukubwa pamulonga na pa chisiba icha misi yo ghatakumala chighabo choka mufighabo fitatu. ¹¹ Ingamu iya nyenyesi yila yo , "Nkhali-kali". Sona amishi chigabo choka mufighabo fitatu ghakashoka kuba ghakali, po abandu bingi bakafwa po bakati bang'wa amisi ghala, pachifukwa amisi ghababite. ¹² Ubwandumi ubwabunayi akalisha imbata yake, sona po ichighabo choka mufighabo fitatu cha lisuba, icha mweshi ni cha nyenyesi fikakomiwa. Po ichighabo choka mufighabo fitatu ifya ubwelu bwabo chifipite. Patakabaso ubwelu pakabalilo ko kakufwana ichighabo choka mufighabo fitatu ifya lisuba lyoka nubushiku bope bububo. ¹³ Po naketesisye sona ngapulika inombo pamo yikawuoukagha mumwanya, umukasi nakwitisha ni lishu likulu ukuti, "Soka ku bandu bakwikala pa chisu, pachifukwa ichakulila ukwa mbata sbitatu syo sikikalapo sisisyo ubwandumi tibakakube."