¹ Ubwandumi wa bungonde akalisha imbata yake po ngaketa inyenyesi yo yikaba kusoka kumwanya kwisapasi. Nyenyesi yiyo yikapika chighulilo icha chisongwe cho chitakushila. ² Nyenyesi yikiyula ichisongwe chicho mukafuma ilyoshi lyo likaba ngati lyo likafuma mung'anjo yikulu po isuba ni mbepo fifipisyibwe ni lyosi lyo lifumite muchisongwe. ³ Izombe likafuma mu lyosi lila, wikisa pa chisu cha pasi, po babapile imbosha lwo lukafwana bulo nulwa ichipiliubwa muchisu. ⁴ Po izombe yula abulibwe ukuti manye onange ubwisu bwa muchisu sona ni chindu choshi chikapiyibwa, pamo ulubabu loshi lolo litakupya. Lole abandu bene bababo bata ni chimanyikwilo icha Chala pa chene chabo. ⁵ Izombe yula ukuti, batakitisya ukuli ghogha, lole ukulisunga pa myeshi yingonde. Ubulwili bwake wali ngati mo uli ubwa chipilili, sona pala chimuluma umundu. ⁶ Mumashiku ghala, abandu tibakalonde ufwe,sona manye ti bakayaghe. Abandu tibakalonde imbungo, po imbungo tiyikakinde. ⁷ Muketeshelo kake, izombe yila akaba ngati amahachi gho ghanosyekile ubwite. Pamutu pake pakaboneka ngati mwo imbumbu iya golidi bo ifyechene fyabo fikolanite chene icha bandu. ⁸ Izombe yula wakaba nu shishi nga lya bakolo, sona amino ghake gha kolanite nu ngalamu. ⁹ Sona akaba nifilwilo pachifuba fyo fikaba nga yo ngunya isya fisulo. Ichongo cha amapapindo ghake kwa nga amagaleta gho ghakugusika nu mahachi ghingi gho ghakoshekile kubwite. ¹⁰ Uzombe yula wali nu muchila ngati bo bwa chpilili sona nu lumbosya umichila yabo mwo mwali amaka ghakuboghela abandu pa myeshi yingonde. ¹¹ Izombe lila ali nu kalonga wabo, yo ubwandumi yuyo akaba namaka pa chizongo Cho chitamala. Ingamu yake mukihebeli sona muchigiliki nu Apoliyoni. ¹² Bwite bwakwanda bula bukakindile lole kwikala sona ghabili agho tighise sona. ¹³ Ubwandumi wa ungonde nu chimo po bakalisha imbata yake, popo ngapulika amasyu amasyu ghakufumila kumipondo folo iya nyochelo la golidi lyo likaba pandashi pa Chala. ¹⁴ Ilisu likayughibwa kubwandumi uba chingonde ni choka yo akaba ni mbata ukuti, "Satula abandumi banayi bo bapinyiwe pa mukulonga ubukulu bwa Yufulate." ¹⁵ Po ubwandumi folo bala basatulibwe babo bakibwe ngani po banoshekile akabalilo, isuba, mwesi, numwaka kuti baghoghe abandu, ichighabo chimo chene ichafighabo fitatu. ¹⁶ Ubwingi bo bakikala pa mahachi balimmamiliyoni amakumi khumi ghabili. ¹⁷ Po mwo naketile amahachi mufiloto fyangu, bo bakakwelagha amahachi bakufwala ifingunya pa fifuba fyabo fyo fikaba fikesamu ngati mulilo, syo syali sititu ngani, isya ndula ngati usulefule. Imitu yamahachi yikolanite yo mitu iya ngalamu, po milomo yabo mukafumagha mulilo lyosi, nu sulefule. ¹⁸ Ifilelibwa fitatu ifi umulilo, ilyoshi ni sulefule fyo fikafuma mu milomo iya mahachi ghala fikaghogha abandu ichigabo choka mufighabo fitatu. ¹⁹ Pakuti amaka gha mahachi ghali mukanwa, nu muchila yabo. Michila yabo ghali ngati mwo injoka yo yikaba ni mitu, sona yikabakonya abandu ni michila yila yila. ²⁰ Abandu bangi bosa babo ukuti batakaghoghibwa fipelibwa fifyo, ukuti baghalabuke kufindu fifyo bakipangila ni nyobe syabo. Lole bakindilile pakwiputa imbepo inyali, pamo ifinyamana ifya golidi nifya siliva , nifya chisulo, ifya mabwe nifya fikomo, ifindu fifyo fitakuketa sona nukupulika, pamo ukwenda. ²¹ Abandu babo batakaghalabukako kububibi wakughogha banyabo, abalosi, abanyali, nu bibi.