¹ Mu ichi pakulekana na mashu agha bwandilo wa kilisito tubu kilile ukukonga ubwosongo mu kabele manyetubike imishu lya kuchenja umoyo ukulekana nimbombo sho shifwile naba lusubilo ulwa pa Chala. ² Aba chimanyisho icha lwosho abakubika inyobe isha kushuka ku bafwe, nubulongi ulwa bwila bwila. ³ Po ichitituka chibombe linga uchala itikisha. ⁴ Pakuti tutangabanosha sona bapinduke umoyo, bo bakinong'oniwa pa kabalilo kake bakaghonja ichabupe icha kumwanya bakupokelana nu mbepo mwikemo. ⁵ Baghonja amashu amisa agha Chala na maka agha kabalilo ko kakwisa. ⁶ Lole akagwa mu bubibi, pakuti bakumupayika sona bene umwana wa Chala nukumukosha isoni pa bandu. ⁷ Pakuti ilongwi lyo ling'wile ifula yikuwa kabili kabili nukubapa izumba ilyisa lyo liku bayana bo bakalimagha lukusayiwa ilya kufuma kwa Chala. ⁸ Lole linga lyapapa imyifwa nama sale yikutaghiwa, likushala panandi ukughuniwa ubumalilo bwake kufyocha. ⁹ Lole baghaniwa twa nyonywa mumoyo ukuti ishinyu shamaka ni shakongania pokwa nalinga tukuyugha buno. ¹⁰ Pakuti uchala atamusita bwanaloli ukuti ndakibwe imbombo yinyu, nulughano lwo mukalangisha mulyita lyake po mukabombela abelu umoyo nukubabombelashe. ¹¹ Lole tukulonda ukuti weshi mwa umwe alangishe ulubilo lululu chochikuyila ku lindilila ukwana ukufika pa bumalilo. ¹² Ukuti manye mube bakata lole mughelele nabo bingile mupangano mu lwitiko nukutonda umoyo. ¹³ Pakuti po uchala akapangana nu Abrahamu, pakuti atali nusongo we akupota kumula pila, akalapa payuyo mwene. ¹⁴ Akati ukusayashe tingakusaye uwe, sona ukubalisha ti ngakubalishe uwe. ¹⁵ Po buno mwo ajimbilila aka pokela ipangano. ¹⁶ Pakuti abandu bakulapila pa songo, po mukususania kwabo koshi ipangano likumalila ukushimikisha. ¹⁷ Po nu Chala pakulonda ukulangisha mubwingi kubambyaba aba pangano ukuti ukulonda kwake kutakuchenja akingila pakati nu kulapa. ¹⁸ Ukuti mufindu fibili fyo fitaku chenja, ngati uchala mwo atangapika tube nichakutuchefya icha maka ku utwe tukakindila ukukola ukulindilila cho chibikiwe pamaso pitu. ¹⁹ Cho tulinacho ngati mishu ya moyo ichakwikalana ni chamaka ichakwingila mukati kati mu katani. ²⁰ Mwo Uyesu umulongoshi akingilamo chifukwa chitu, mwo mubombi akabalilo koshi mu ndondomeko ya Melkizedeke.