¹ Chobene twoghope ukuti lumo linga lyashala ipangano ilyakwi ngila kubutusho bwake, yumo mumwinyu angaboneka ngati apotwa. ² Pakuti nakakwitu yalu mbiliwa inongwa inyisa ngati kubala, lole abene batakegha nachimo mu mashu ghala, pakuti bata kongana nu lwitiko mu bo bakabapulika. ³ Pakuti utwe twe tusubile titwingile mu butusho ngati mwo ayughile ngati mwo nalapa mulyoyo lyangu, linga tibakingile ku butusho bwangu, ni mbombo shikamala ukwanda ukupelwa ichisu cha pase. ⁴ Pakuti bayugha ishalishiku ilya seveni ukuleka imbombo shoshi. ⁵ Po mumumo sona linga takingile mubutusho lwangu. ⁶ Pakuti ulu pashala ukuti bamu bakingile mula nabo inongwa inyisa yikalumbiliwa kikwabo kale batingile chifukwa batakapulikagha. ⁷ Akubafunda ishiku ilingi nukuyugha nu Davide mwo akenda akabalilo akatali akakuti, umusughu ngati mwo kuyughiwe manye mukashe indumbula shinu. ⁸ Ukuti ngati u Yoswa linga akabapokagha ngali batakayugha mundashi ishalishiku limo. ⁹ Mwo gilikushalila ukutusha uwa sabata kubandu aba chala. ¹⁰ Pakuti we akingila kubutusho bwake akatusha ku mbombo shake ngati uchala ku shake. ¹¹ Po tubombe lubilo ukwingila ku butusha ukuti yumo angawa mu kusita kupulika. ¹² Pakuti amashu gha Chala ghali nu bumi nukubomba makali kulusha upanga umukali koshi koshi gakupa ubumi nu mbepo ni chisa na mafuta agha m'mafupa nu kumanyisha inyonong'ono nulu shimikisho ulwa mu moyo. ¹³ Sona nachimo cho chisimbiwe cho chite kuboneka pa maso pake, lole shoshi shili pa bwelu, pamaso pake pa we tukubomba nawe. ¹⁴ Pakuti ulu tulinawr umubombi umukulu, uwa kulila amaghamba Uyesu mwana wa Chala tubombeshe ulwitiko lwitu. ¹⁵ Pakuti tutamubombi we ali ni chisa nifya kusobelwa fyitu, lole we atanimbibi. ¹⁶ Po tujimbilile ukupalamila ku chitengo icha bufumu uwa chisa, ukuti tupokele ichisa nuku chagha ichisa ichakutwafwa linga twa tamiwa.