¹ Mwofibelile bakamu mwebelusha umoyo mwe mukupokelans ukwitishiwa kwa kumwanya, inong'ona isha batumiwa nu mubombi uwa lwitiko lwitu Uyesu. ² We ali musubaliwa kuwe akamubika ngati umose inyumba yake yoshi. ³ Pakuti uyo abelengiwa ubushisha ukulusha umose ngati we akazengela inyumba ali nubushisha ukulusha inyumba. ⁴ Pakuti inyumba yoshi yili nawe akayizenga, lole we akuzenga fyoshi wi Chala. ⁵ Po umose akaba musubiliwa munyumba yake yoshi ngati munyamata ashimikishe ishisho tishikayughiwe. ⁶ Lole ukilisito ngati mwana uwakusunga inyumba yake, linga tukubombela ubujimvu nukwipata mukulindilila ukuchikola mpaka. ⁷ Mwo akuyughila umbepo mwikemo, umusugu linga mukupulika amashu ghake. ⁸ Mutakakashe imyoyo yinu ngati kabalilo kakukalalisha ngati mula ishiku lya kugheliwa mu lungala ngala. ⁹ Cho abapapi binu bakangela nacho nukunyitikisha bakatesha imbombo shangu imyaka fote. ¹⁰ Po ngakalala nayo imbapwa lyi po ngati akabalilo koshi ba kusoba mu moyo, lole batakumanya isila shangu aba. ¹¹ Ngati mwo ngalapila mukati mwangu linga tibakingile kubutu sho lwangu. ¹² Tesha mwe bakamu ukuti pamu bungaba kuyumo mumwinyu ubusitakusbila uwa kuleka nu Chala wabumi. ¹³ Lole mubusaniange mwibene ishiku lyoshi linga kwitishiwa umusughu, ukuti yumo angashimbuliwa nu setano. ¹⁴ Pakuti twebakupokelana nu kilisito ngati mwo tukubombesha ubwandilo uwa ku chindika kwitu ukuchikola ukufika pa bumalilo. ¹⁵ Ngati mwo kuyughiwe umusughu linga mwapulika amashu ghake mutakakashe indumbula ngati kabalilo kakukalalisha. ¹⁶ Pakuti wini pakupulika aka kalalata bobala boshi bobakafuma ku Ejipito nu Mose. ¹⁷ Lole boni baka kalala imyaka fote kokuti tabobala bakananga bo imibili yabo yikawa kulungala ngala. ¹⁸ Po wini we akalapa ukuti tabingile kubutusho bwake. ¹⁹ Tabobatakupulika po tukutesha ukuti batangingila pakuti bata kasubila.