¹ Potukulondiwa ukusaghila shotupulikite ishi ukuti pamo tungalekana nasho. ² Linga amashu ghayughiwa nabandumi gha maka po ichakunanga choshi nukusita kupulika kukupokela ifilipwa ifyanaloli. ³ Titupone buleghe lingatuta tutakusaghila ubupokwa ubukulu ngati ubu! bwo uchala akandapa kubuyugha, pobobakapulika bakatulimbisha utwe. ⁴ Pakushimikisha pampene nabo uchala ifyakuswighisha na maka agha luko nuluko nisha kugabila isha mbepo mwikemo mu bwighane bwake. ⁵ Pakuti atabapotile abandumi ichisu cho chikwisa chotukuygha. ⁶ Lole yumo akashimikisha akati umundu choni ukuti mukumukumbuka, pamu umwana wa mundu po mukwangala nawe. ⁷ Wamuchefya panandi uwandumi mukamufwasha ingiga ubushisha nu muchizi po mwamubika abhe gwakutesha imbombo sha nyobe shinyu . ⁸ Mukopota shoshi pase patulundi twake pakuti akapota shoshi mumwake atakaleka nakamu sita kumwiputa lole tutandite ukutesha shoshi, shiku mugwila ulupi. ⁹ Lole tukumutesha we bakamuchefya panandi na bandumi wi Yesu chifukwa icha kubaba ukwa bufwe afwalite ingigha lya bushisha, muchizi ukuti mu chisa cha Chala, afwe mumalo gha mundu weshi. ¹⁰ Pakuti kukamuyana yuyo we shoshi shili chifukwa cha yuyo pa kwegha abana abingi bingile mubushisha, ukumunosha umulongoshi umukulu uwa bupokwa bwabo mufya kubaba. ¹¹ Pakuti we akusuka nawe akusukiwa boshi bakufuma mu yumo ywene pachifukwa ichi atanisoni kubitisha ukuti bakamu. ¹² Nukuti tingalumbilile ilyata lyako kubakamu bangu pakati pachipanga linga kwimbilaghe. ¹³ Sona tingamukweshe yuyo sona une na bana bo uchala ambile. ¹⁴ Pakuti abana ba ibandiu ni nyama wepe mula akabonja amikalile gala ukuti mubufwe amukomanie we akaba na maka gha bufwe usetano. ¹⁵ Aye asatule boshi bo chifukwa ichakoghopa ubufwe mu bumi bwabo boshi bakapinyiwa ubutumwa. ¹⁶ Pakuti naloli atakupokela aba ndumi, lole akupokela imbeyu ya Abulahamu. ¹⁷ Pakuti kukamuyona ukuyana na bakamu mu fyoshi, ukuti linga aba mubombi uwa chisa, numusubaliwa kufya chala, ukuti abike ikemo ilya mbibi sha bandu. ¹⁸ Lole pakuti akapulika ifya kubaba po akagheliwa ukuti abafwe bo bakugheliwa.