¹ Ukilisitu akatusatula ukuti tukabe basatulibwa, po mukime nganganga mu busatulibwa bwinyu ubwu manye mukapinyibwe sona. ² Pulika ne Paulosi ngubabula mwakuti ukuti pala mukwitika kusatulibwa, kokuti uChala te abe nichandulo mu minyu. ³ Ngubapanikisha umundu weshi yo akotolibwe atabaghile ukukwanisha indaghilo shoshi. ⁴ Me mukulonda kugholoshibwa ni ndaghilo, po mukunyamushako kubumo bwene nu kilisitu. Kokuti mukwitishako kubwisa bwa Chala. ⁵ Lole uswe tulindilile nulwitiko mu mbepo kuti Chala tiwise pakulunjisha mulwitiko. ⁶ Pakuti mwa Yesu kilisiti ukukotolibwa pamo kusita kubomba fifyo kutanimbombo,lole chikulondibwa bo ulwitiko bo mubomba ni mbombo nu lughano. ⁷ Mukendagha akisa kene po we mwini apangite kutagha ulwitiko nubwanaloli? ⁸ Kukakamishibwa kuko manye kukufuma kwa Chala, we akabitisha imwe. ⁹ Ichimela chindani chikufumusha ubulunga lyoshi lya chibama. ¹⁰ Une ndinulwitiko mwachala ukuti timwinoghone shingi, lole kufwana ni shangu, weshi yo akubakomania tiakalangibwe nuChala napo abe wini. ¹¹ Lole pala ngali pafumusha shabukotoli, panongwa yiki ngali pakishibwa? pala ngukindilila ukufumusha ubukotoli bo abandu batakubwa nubufumusha ubwa chipinjika cha Yesu. ¹² Bo bakubakomania, ndalondagha ukuti baghaluka ukuba bobimbi. ¹³ Umwe mwe bakamu, Chala akubitisha ukuti mube basatukibwa lole ifibombibwa fyamubili nganingani bombagha nu lughano. ¹⁴ Pachifukwa indaghilo shoshi shifwanishibwe mundaghilo iyo lyakuti, mughane muyengibwa bwako ngati mo kwighana wemwene". ¹⁵ Lole pala mukusambukilana nukukomana, chenjela manye mukamalane yumo namunine. ¹⁶ Lole nguti mukaleke umbepo we abalongoshe po mukaleke pabomba fyo mubili bwinyu ukulonda. ¹⁷ Pakuti imbo bo sha mubili shikulimbana ni fyonumbepo akulonda, po wepe umbepo akulonda fyo mubili akulonda. Fibili ifi fikwandana mwakuti fibale she fyo kubomba fyo mukulonda. ¹⁸ Lole pala mukwenda numbepo, temukabe pasi pa ndaghilo. ¹⁹ Imbombo shamubili shibonike bubo pabwelu sho ishi, ububibi, akashushi, ububomesi, ²⁰ ukwiputa fifwani, ubulosi, tingo, bwite, isanje, ubukalale, kwitufya, imipatuko, ukwipatula,. ²¹ Ibina, ubulobefu, ukulya ngani nifinine. ngubasoka ngali mo ngabasokela sona pakuti babomba shisho manye tibakahale ubunuafyale wa Chala. ²² Lole ifipambiwa mumbepo fyo ifi, ulughano ulusekelo ulwitiko, lusekesho kwikola ichisa, kwikasha ²³ ukusika patanindaghilo yakususania nafyo. ²⁴ Pabo bali bake mwa kilisitu Yesu, bapayikibwe mubili bwabo pachipinjika pamupene, nikukulakala ka kwake nafyo akulondagha. ²⁵ Paketa ukuti umbepo bo ukubika ubumi, sona tukende ukufwana ni mbepo. ²⁶ Tuleke pakwitafya kukalalilana nukubabombela na sanje.