¹ Mwa bakamu bangu pala mundu waghibwa ukuti asoba, umwe mulongosheka numbepo mubaghile pamugholosha, lole mugholoshe pabwisa. Po muketaghe numwe mukaleke kusoba nu bubibi. ² Pokela ifikonyole, po tikafyanishe indaghilo sha kilisitu. ³ 4Pala mundu akwitufya we yuyo, te mo Ali, akwimyashika mwene. ⁴ Lole weshi ighele mo imbombo shake shili pala shisa, tiwakasekele nimbombo shake kwambula kufwanikisha nimbombo sha wamwabo. ⁵ Pakuti weshi tieghe fyombo fyake mwenecho. ⁶ Umundu we amanyishibwa mashu gha Chala, abaghile ukwaghana nayo we akumanyisha fyisa fyoshi fyo ali nafyo. ⁷ Mutakimyashike, uChala te wasekibwa umundu ukunyosha sho abyalagha. ⁸ Pala ukubyala fya mubili takafwe, pala abyala fya mbepo takaghe ubumi bwa bwilabwila. ⁹ Tutakatale pakubomba fyisa pala taleka uba nulyolo, tuya pafuna pakabalilo akake. ¹⁰ Sona potuli nabo mwabi tukabombe ubwisa kubandu boshi ngani ngani bo baluko lwa lwitiko. ¹¹ Keta amasimbo ghakulu gho ngubasimbila ninyobe shangu. ¹² Abandu bo bakulonda paketiwa bisa kumubili bo bakubakanikisha ukuti babakotole babomba ifi ukuti manye bakishibwe pachifukwa cha mbinjika iya Yesu kilisitu. ¹³ Pakuti nabo bakotolibwe tebasunge indaghilo. lole balonda ukuti umwe babakomule ukuti bitufyilaghemo mukutumulibwa kwinyu kukwo kwa mubili. ¹⁴ Lole une tingatufwibwe mukandu akangi lole mumbinjika iya Malafyale yesu kilisitu mwene mwa yuyo ichisu chibikibwe nukupayikikila kwangu po une kuchisu. ¹⁵ Pakuti umundu linga adumuliwa pamo atadumulibwa papo chabwisa cho chakuti uChala ampe ubumi upya. ¹⁶ Ubwisa nu Chisa fibe pabosa babo bakonga indaghilo shisho napabandu boshi ba Chala. ¹⁷ Kusoka limo umundu aleke pakundamya pachifukwa ndi namabamba mumubili bwangu gho ghalongosha ukuti ndi mutumiwa wa Yesu. ¹⁸ Ubwisa wa Malafyale witu Yesu kilisitu ukabe numwe mweshi mwe bakamu bane. Ameni.