¹ Chicho ngung'anamula cho chakuti umwana ti akabe munyosi , lole papo akali muna ndi ukuti akuleka na mashu Napo abe mwene nayo bwa fyuma. ² Lole ukuba pasi pabandu bwo bakusunga nukumusubalila aba fyuma, mpaka tikakafike akabalilo uwise akapima. ³ Po natuswe pala tukaba tukali abanandi twali bapinyiwa kumbelo yamuchisu. ⁴ Lole bo kafika akabalilo, Chala akatuma umwana wake, we apapibwe mumukolo sona Ali pasi pandaghilo. ⁵ Kuti babasatule bwo bali pasi pandaghilo ukuti tughaluke ukuba bana ba Chala. ⁶ Pakuti mwe bana bake uChala akatuma mu ndumbula shinu umbepo bwa mwana bwake we yuyo akakolela ukuti, "Abba", kokuti uTata. ⁷ Po utakaba sona mupinyibwa, lole umwana sona napo ube mwana po uli sona munyisho. ⁸ Lole pala mutakamumanyagha uChala, mwali abandu bafifwanibwa fyofyo mubupapibwa batakaba ba Chala. ⁹ Lole pakuti mumumenye uChala, pamo ngani ngani njughe Ukuti papo uChala abamenye umwe, po kwatiki ukuti mukanyokele kumipepo yapachisu yoyo yita nakamo kamaka? pachifukwa bule mukulonda ukuba sona bapinyibwa ba mipepo yiyo. ¹⁰ Mukusunga amashiku, imyeshi, akabalilo Sono nimyaka. ¹¹ angutamibwa mundumbula ukuti mbombo yo ngabomba mukati mwinyu yitakaba nakandu. ¹² Mwe bakamu bangu ngubasuma mukabe ngati nene umwe ukuti munongilepo. ¹³ Menye ukuti panongwa iya fyakubaba fyamumbili yonongwa nganda pakufumusha ubuthenya bwisa kwa umwe pa bwandilo. ¹⁴ papo bule ubwikalilo bwangu bwali chighesho kukwinyu ukukuti mukangisha pamo nukungana. Lole umwe mwambokioe ngali ne ubwandumi wa Chala, pamo nu kilisitu Yesu umwene. ¹⁵ Mwahobokite ngani po kwatiki? une ndinulusimiko ukuti pala chikabe chakubombibwa ngali mweghagha amaso ghinyu ukumba une. ¹⁶ Po ngalwike ukuba mulwani bwinyu pala ngubabula ubwisa? ¹⁷ Abandu bala bakubalonda namaka ghoshi lole tenakamo kisa. Bakulonda pa kubighalila kuse ukuti mube balubilo alusekelo mumwabo. ¹⁸ Ubwisa ukuba walubilo pa Cho chisa akabalilo koshi, manye pakuti ndinanumwe poka. ¹⁹ Mwe bana bangu mwo akupulika ifyakubaba mukolo pala akupapa mwana, mwo nune fibaghile pakumbaba panongwa yinyu mpaka ukilisitu apangibwe mundumbula shinyu. ²⁰ ndalondagha ukuti imbe numwe ukuti ngaleke injughilo sha mashu ghangu pakuti nguswigha numwe. ²¹ Mumbule mwe mukulonda ngani ukuba pasi pa ndaghilo, lole mutakupulika namo indaghilo shikuyughila? ²² Pakuti kusimbibwe ukuti Abulahamu ali nabana babili balisha, yumo apapiwe numukolo mupinyibwa, yumo apapiwe numukolo mwisa. ²³ Umwana wake yo apapiwe numukolo mupinyibwa, apapiwe mubumundu, umwana wamukolo umusatulibwa apapiwe nindaghilo ita Chala. ²⁴ Po iki tweghe bulo ngati Cho chifwanikisho, abakolo babili bala gwo amapangano ghabili. Yumo yo umwana wake apapibwe mubupinyibwe we Hagala, popo yo ipangano lyo lipangano lyo lyapanganibwe pa ighamba lya Sunayi. ²⁵ Hagala akwimilila ulupili lwa Arabiya, chocho chifwanikisyo ichalululu ichamusumba walilino wa Yelusalemu bwo uli mubupinyibwa poka nabana bake. ²⁶ Lole u Yelusalemu wakumwanya we musatulibwa, sona we mayi bwitu. ²⁷ Pachifukwa kusimbibwe ukuti, sekelela we chumba, we utakupapa pi kolela nukuhoboka we teuli mufyakubaba fyakupapa. Pakuti umukolo yo akwikalila mwene alai nabana bingi pakulusho bwo bali na bana abingi kwalusha yo ali mulume wake? ²⁸ Sona mwe bamwitu tuli bana ba ndaghilo ngamo ali yikase. ²⁹ Lole pakabalilo kala umwana yo apapibwe kulingana nu bundu sona atamyishe umwana yo apapibwe numbepo pokuli nulilino. ³⁰ Lole amasimbo ghakutiki, "Mukishe umukshe umukolo mupinyibwa pamo numwana wake pachifukwa umwana wa mukolo mupinyibwa manye tiwakapokele pachihalo pamupene numwana wamukolo mwisa." ³¹ Sono bakamu te tuli abana bamukolo mupinyibwa lole bamukolo mupinyibwa.