¹ Paulo mutumiwa weutafumile kubandu pamu kumundu lole mwa Yesu kilisitu nu Tata uChala we aka mususha yuyo kubafwe. ² Nabakamu boshi bobali pamupene nune ku fipanga fya kuGalatiya . ³ Ichisa kukwinyu numutende uwa kwa Chala uTata nu mwene witu uYesu kilisitu. ⁴ We akifumya mwene chifukwa cha mbibi shitu ukuti atupoke utwe mukabalilo akapase panu akabibi mubwighane wa Chala nu Tata witu. ⁵ Uyo abhe nubushisha bwila na bwila, Amen. ⁶ Imenye ukuti lubhilo mukusambuka kuwe akabitisha muchisa cha Chala ukususha ishu ilyisa bumo. ⁷ Bwo tabungi lole balipo bamu bo bakubanyasha umwe bakulonda ukunyasha ishu ilyisa lya kilisitu. ⁸ Lole nalinga utwe lamu uwandumi uwakufuma kumwanya linga angabalumbilila ishu ilyisa talyoli lyo tukabalumbilila utwe aghuni wange. ⁹ Ngati mwo tukayugha kale numusughu tukuyugha linga yumo akulumbilila ishu lyo lilipayo nalyo tukabalumbilila aghuniwange. ¹⁰ Kokuti ngusonga abandu pamu uChala? Pamu ngulonda ukubahobosha abandu linga ngahoboshanga abandu nulu, ngali ndali mubombi wa Chala. ¹¹ Pakuti ngubamanyisha umwe mwe bakamu isha ishu ilyisa lyi lilumbiliwe nune, ukuti lita ngati lya bandu. ¹² Pakuti ndalipokelite kumundu pamu ndalimanyile lole likisa mu mabyebye gha Yesu Kilisitu. ¹³ Pakuti mukapulika ingalo yangu kale kubayuda ukuti ngalonde shanga ifipanga fya Chala namaka nukufikomanya. ¹⁴ Pomngabapota nukutangila mubayuda abingi botughelile muluko lwangu, sona ngaba walubilo ukulusha pandaghilo sha bapipi bangu. ¹⁵ Lole po pakuhobosha uChala we akansala mwo ndapapiwe akanyitisha une muchisa chake. ¹⁶ Ukuti amuvumbule umwana wake mumwangu ukuti mulumbililile yuyo mubachisu pala ndakabusania numubili ni banda. ¹⁷ Pamu umukwela ukuya ku Yelusalemu ndabukiteko kumwabo bobali batumiwa mwo une ngali ukuba ne mufundiwa lole ngabuka ku Arabiya po ngaghalukila ku Damasiko. ¹⁸ Pala pakenda imyaka mitatu ngakwela ukuya ku Yelusalemu ukumanyana nu kefa po ngikala kukwake amashiku fifitini. ¹⁹ Lole yumo mubafundiwa ndakamutesha lole uYakobo umukamu wa Chala. ²⁰ Po ishi ngubasimbila umwe tesha pandashi pa Chala ndakupika une. ²¹ Pala ngisa ulubafu lwa Siliya nu Kilikiya. ²² Lole ndakamanyikwanga pamaso pangu kufipanga ifya Yudeya ifya mwa Kilisitu. ²³ Lole bakapulikaghashe ukuti we akatulondeshanga kale, ulu akulumbilila ulwitiko lwo akakomania kale. ²⁴ Po bakamuchindika uChala mumwangu.