¹ Pa chifukwa ichi, une nepabuli umupinyiwa wa khristu Yesu mubuyo bwa umwe bapanja,. ² Ngwinong'ona ukuti mukapulika mwo uChala akandila imbombo yakulumbilila muchisu mukati mwinyu. ³ Umwene amanyisha ishakubutitu sho shalangishiwe kwangu mubusetuli, usamwao ngabasimbila kale pamashu amapimbashe. ⁴ Nandi mungabelenga fyo nabasimbila, mungaketa akifwile kangu akakubutitu ka khristu. ⁵ Ichakubutitu ichi abandu pakabalilo akakale batakachimanya hagha lole apa uChala achisetula mwa mbepo kubatumiwa bake abelu nakubasololi; ⁶ Ko kuti Ubulumbilili ubwisa abandu bapanja bali muchighaba cha bwingila chilingo, nukuba bamubili ghumuwene nukuba balilanishi nabalufingo lwa mwa khristu Yesu. ⁷ Mu bulumbilili bububu mwomwo une mbeliwe ukuba mubombeli ukuyana nichikungilwa Cha chisa Cha Chala cho ambelile amakagho ghakubomba mwangu. ⁸ Une ne munandi ukukinda abitiki boshi abapase ngani, lole uChala ambile une ulusako ulwa kubafumukisha abapanja ubukabi bwa khristu bo umundu nayumo atakubwaghania. ⁹ Nukubapele abandu boshi ukuti baluketagha mwo belile ulubatiko lwa Sha kubutitu, sho Sha fifiwe ukufuma kale mwa Chala yo apelite fyoshi. ¹⁰ Ukuti muchipanga moghabonekelaghe amahala gha Chala aghaluko nuluko, kubalaghili nakubamaka nuluko, aba kumwanya. ¹¹ Ukayana nasho inong'onite ukufuma kale, sho isile asibombela mwa khristu Yesu umalafyale witu, ¹² Mwayo tuli nubukifushe ukupalamila mundashi mwa Chala nulusubilo lwoshi. ¹³ Po apa ngubasuma ukuti manye muyetaghe pachifukwa Cha kufundiwa kwangu ko ngubafundiliwa umwe pakuti shakubatula umwe. ¹⁴ Po apa ngumufughamila u Tata. ¹⁵ Yo ifikolo fyoshi ifya kumwanya nifya pase fikwitambulamwo, ¹⁶ Ukuti mwa mbepo umwelu abape amaka aghakukakila umundu wa mukati, ukuyana nubwingi bwa bushisha bwake; ¹⁷ Nukuti mulwitiko, ukhristu Abe mundumbula shinyu, bwo mukwikumbila nukwitoteka mulughano; ¹⁸ Kokuti mwise mube namaka ukubwaghania pamupene nabitikiboshi mwo bubelile ubukulu, ubutali, ubwapamwanya, nubwapase ngani. ¹⁹ Nukumanya ulughano lwa khristu lo lubukindite ubumanyi bwoshi, ukuti mwisulagheshe mufikaghe pabwisule bwa chala. ²⁰ Umwene loli yo alinamaka ukubomba ngani mumwinyu ukubomba ngani mumwinyu ukukindashe shoshi ishi tukusuma, nasho tukwinong'ona. ²¹ Weyo ulwimiko lube kwake, muchipanga na mwa khristu Yesu, kungulilo shoshi, bwilabwilashe. Amen.