¹ UKUFUMA KUBUFWE UKWINGILA KUBWUMI. Numwe mwekale mwafwile mungilanio namubutula Nongwa bwinyu, ² Mushoshi mwendaghamwo Ukuyana nu lwendo lwa chisu ichi kokumukonga umulaghili wamaka ghamumwanyamwanya, yombepo yo ulu yikuwomba muwalwitufyo; ³ Mubo nutwe tweshi kale twendagha nabo mufinyonyo fya mubili nubwa nyinong'ono; Sona namukayilo kitu tukaba ngati bangi boshi bo bakwambilila tukaba ngati bangi boshi bo bakwambilila ulufundo lwa Chala. ⁴ Lole u Chala yowalupakisho lwingi mulughano lwake ulushisha lo ataghanite,. ⁵ Napotwali bafwe panongwa yangilanio shitu atupelite ukuba bwimi pamupene nu khristu, mwo muchisa chake mo mubwaghilemo ubupoki. ⁶ Twashukite pamupene nawe, nukwitika Sha pamupene nawe kumwanya mwa khristu Yesu; ⁷ Ukuti mutubalilo two tukwisa, atulangishe ubwingi bwa chisa chake ichakukindapo, mubwololo bwake kukwitu mwa khristu Yesu. ⁸ Nama mo muchisa momwo mubarangile ubupoki panongwa yalwitiko; ishene shishishi shitakafuma mukwiyula kwinyu, hagha, fyo fyabupe fya Chala; ⁹ Shitakufuma mumbombo shimo shomubombite, ukuti nayumo manye itufyaghe. ¹⁰ Name utwe twe fimatiwa fya Chala, tupeliwe mwa khristu Yesu ukubomba imbombo inyisa,twe uChala akatutendekeshela ngani ukuti shosho tubombaghe. ¹¹ Popapo mukumbukaghe mwe kale mwali bapanjashe kumubili, mwe mukutulila nabayuda uba basita kwelushiwa, ukwelushiwa uku kukubombiwa mumubili nutukono, ¹² Mukumbukaghe mwo mwabelile, ukuti mukabalilo kala mutali nu khristu mwali baghenishe kuchikolo chabanya Israel, mwali bapanja kanyitikano sho shali kulufifyo lwa Chala mwali basita lusubilo, Sona mutali nu Chala muchisu ichi, ¹³ Lole apa mwa khristu Yesu umwemwe mwali kubutali kale, Ibanda lya khristu libapalamishishe. ¹⁴ Nama umwene weyo lutenganio lwitu, yo atukomaniishe twe twali pabili, apangwile ilimato ilyabulughu lyo lyatupaghulaniishe. ¹⁵ Kumubili wake akasipela shabu indaghilo shamungomelesho Sona nutulaghilo, ukuti mwake abapelaghe abandu ukuba mundu yumuywene umupya,bunobuno akapela ulutenganio; ¹⁶ Po babili akabasayania nu Chala pa chipingika. ¹⁷ Popapo lole bwo isa, akabafumukisha ubulumbilili ubwisa ubwa lutengano mwe mwali kubutali na mwe mwali papipi; ¹⁸ Nama mumwake mo tuli nisala ya kupalaghinia kwa Tata mwa mbepo yumuywene. ¹⁹ Popapo lole apamulekite ukuba bapanja nukuba bagheni, muli benekaya nabelu, muli bandu ba nyumba ya Chala; ²⁰ Mwe musengiwe palwalo lwa batumiwa naba sololi, umwene ukhristu Yesu yo iperite libwe lya pabumalilo ilighindikiwa; ²¹ Popapo mwake mwomwo inyumba yikwikomania pamupene nukukula ukuba nyumba ya Chala inyelu mwa malafyale. ²² Po mumwake umwe nutwe tukusengeka pamupene na banyinu ukuba buyo mwo uChala kwikala mwa mbepo.