¹ une ne Pauli ne mutumwa wa khlisti Yesu mubwighane Bea Chala. Ngubasimbila abitikibo bali mukaya ka Efesi bo bakumwitika u khlisti u yesu. ² Ichisa nulutengano lwa kufuma kwa tata u Chala na kwa malafyale witu Yesu khlisti fibe numwe. ³ Aghindikiwqnge u Chala uwise wa malafyale witu u Yesu khlisti yo mwa khlisti atusaya pakutupa isayo shoshi isha mwambepo wakumwanya. ⁴ Bwo ichisu chitapeliwe, u Chala akatusalila ngani utwe mwa khilisti ukuti tube bandu bake abelu abasita chilema pandashi pake panongwa ya Lughano lwake. ⁵ U Chala akatughaba kale ukuti mwa Yesu khilisti tube bana bake. Akabomba ishi Ukuyana nubulongoshi bwa bwighane bwake. ⁶ Popapo bughindikiwange ubukulu bwa chisa chake Cho akatubombela utwe mubwabuke bwa mughaniwa wake. ⁷ Mwa Yesu khristu twabuliwe mwibanda lyake Sona nimbibi shitu shihobokeliwe ukuyana nu bukulu wa chisa chake, ⁸ Cho chipunguliwe pa utwe mubwingi bwake. ⁹ Bwo atubulite isha kubutitu isha bwighane bwake, bo abubatikile ngani momumwake. ¹⁰ Kokuti sho atutendekeshishe ngani ise asibombe bo akabalilo kisile, ukufibungania fyoshi mwa khristu, ifyakumwanya na pasi. ¹¹ Mumwake mwo twipelite uba bene chilingo, twe atusalile ngani kale ukufwana nasho inong'onile ngani yo akusibomba shoshi ukufwana nubutumuli bwa bwighane bwake. ¹² Po sagha tubwimikagha ubushisha bwa Chala twe twandite ukubika ulusubilo lwitu mwa khristu. ¹³ Numwe mwipelite ukuba bandu bake bwo mupulikite ishu lya naloli, sho Nongwa inyisa sho shibeghile ubupoki. Mukasubila mwa khristu. posona u Chala akabika pinyu chishimikisho chake Cha mbepo umwelu, Cho akapangana ukubapa ukulangisha ukuti mwe bandu bake naloli. ¹⁴ Umbepo umwelu uyo Cho chikole Cha chingilo chitu mpaka Po titwise twambilile. Popapa tubuke tububwimike ubughindikiwa bwake. ¹⁵ Pachifukwa chichi ngati napulika nisha lwitiko lwinyu mwa malafyale Yesu sona nulughano lwinyu kuboshi abandu ba Chala. ¹⁶ Tandekepo nashipalisha u Chala ponongwa ya umwe ngubakumbuka munyiputo shangu. ¹⁷ ukuti Chala wa malafyale witu Yesu khristu, u Tata wa bughindikibwa bwoshi abape umbepo wa mahala nu wakusetulamu kamanyi Chala kwinyu. ¹⁸ Ngusuma sona umbepo umwelu abalishe indumbula shinyu ukuti Cho mukusubila mwa Chala yo akabitisha. Ngusuma sona ukuti mumanye amabukabi ¹⁹ Sona bo bushisha buki ubukindinde ubwa maka ghake ghogha kubomba kutwe twitikite! Amaka gho ghakubomba mwitu ghayaniteshe namaka amashisha. ²⁰ Gho akabomba bwo akumususha khristu kubufwe, nukumubika kukakono kake akamwisa kumwanya,. ²¹ kulakula Koko u khristu akulaghila pabulaghili, pamaka na pabunyafyale Ali ningamu sho shikindite ingamu shoshi shoshi kuyughibwa, muchisu muno mwene hagha, lole namuchisu Cho chikwisa. ²² UChala afibikite fyoshi mutulundi twake, Sona Umwene amwimikite ukuba mutu wa tundu twoshi utwa chipanga. ²³ Ichi ghogho mubili wake, wayo ubwingi bwake buyaniteshe mwoshimwoshi mutundu twoshi.