¹ Lole tipakabesona pakuti pa bandu basololi abamyashi ngati sona tipakabe abamanyisi abamyashi pakati pinu, bo tibakingile na yo mwa kuvwama ukulekana lyakusofya tibakakane uchala we akabaghula tibakiyeghele bhene ukusoba ko kukwisa lubilo. ² Po abingi tibakakonge ifyaku nyalisha shabo chifukwa chababo musila lya bwanaloli tibaka yiyughile amadingo. ³ Po muchinyonywa tibakababike ku malonda na mashu ghabo agha bumyashi abo ubulongi bwabo butakukaba ukwanda kale , po ukusoba kwabo kutakupitila. ⁴ Pakuti linga uchala atakabaleka abandumi bo bakananga lole akabaponia ku jele akaba bika ku chibwina agha ichisi basu ngike baye balongiwe. ⁵ Sona atakalekelela ichisu cha pase icha kale lole akamusunga unowa umulumbilili uwa bwanaloli nabanine seveni nukweghela ichisu chabobata kwiputa chisumula. ⁶ Po akachichenja ichisu chasodomu na Gomola ukuyocha nu kuba lyoto, akatususha pakutugwisha akatubika chifwani kubo bakikalagha sita kwiputa. ⁷ Po akamupoka Uloti umusubiliwa we akalita mumoyo nakendele akakunyalisha akababibi bala. ⁸ Pakuti umusayiwa uyo pakuba pakati pawo nukutesha nuku pulika ishabo akatamiwa nafyo mu moyo wake umusayiwa bwila bwila nimbombo shabo shita kwelufiwa. ⁹ Uchala amenye ukupoka bo bakwiputa pangelo shabo nukusunga bo batapokiwe, ukufika ishiku ilyabulongi baye baye bafundiwe. ¹⁰ Lole ngani ngani bo bakukonga isha mubili mufinyonywa ifya fibibi bakasula amalamulo batakwoghopa nachimo bobakukongo fyo bakulonda batakuswigha ukubombela abosongo amadingo. ¹¹ Pakuti abandumi napo bakubapota ukukasha amaka atakubayughila kwa Chala inongwa lya kupanga amadingo. ¹² Lole abene ngati bandumi bo bata na mahala ifinyamana fyo fyapapwa ukuti fihoboke naloli ukuko manika bakupanga amadingo pa fyo batakumanya tibakakomanike mukukomania kwawo. ¹³ Bo bakubombelwa ifibibi bakulipila ku chibibi, abandu bakuti chikubahosha ukulya pamu gho mabhamba nifilema ba kulya ifyakulya ifya baghaniwa babo po bakulya numwe. ¹⁴ Bolali namaso gho ghiswile ubwo malaya, batangaleka imbibi, bakubakopelesha amwoyo wo ghuti kalanite, bali nu bumi ubwa kwisubila ukunyonywa abana abaghuniwa. ¹⁵ Pakuleka isila lya bwanaloli bakasoba nukukonga isila lya Balamu, umwana wa Beori we akighana imbombo lyasitakuba mu bwanaloli. ¹⁶ Lole bakamukalipila pakunanga yuyo, mbunda yo yitana mashu, wakuyugha na mashu gha mundu akakanisha uku koshiwa isoni kumusololi uyo. ¹⁷ Abene fifula fyo fitanamishi na mabingu gho ghakweghiwa nimbepo bo abatitu aba chisi fyo babikiwe. ¹⁸ Pakuti pakuyugha amashu agha kwikwesha, go ghata ni ching'ana mulo, bakunyengelela pa finyonywa ifya mubili nifyakunyalisha, bo bakanda ukubakinda bala bo batakwenda mubwanaloli. ¹⁹ Nukubalaghisha abene ubusatuke pakuti babo bene batumwa ba fibole pakuti umundu we apotwa nawe wepe takabe mutumwa wake. ²⁰ Pakuti linga akakwanisha ukukinda ifya chisu cha pase mu chimanyilo icha chala numupoki witu Uyesu kilisito akuhoboka nasho akapotwa, ishabumalilo shabo tishikabe kabibi ukulusha isha bwandilo. ²¹ Pakuti ngali kuli akisa kubabo ngali batakumanya isila lya bwanaloli nukuyimanya ukughalukila ukutagha ilamulo ilya payo lyo bakabapa babo. ²² Chikabayana abene ifyili ifisa, ukabwa aghalukila kuma tapishi ni nguluwe yo yikogha yikughalukila kwogha mumatipa.