¹ Bakamu uyu wikalata uwa chibili ngubasimbila umwe ulu muboshi babili ngubasekesha umoyo winyu uwa bwanaloli ngubakumbusha. ² Ukuti mukumbuke amashu gho ghakayughiwa kale nabakubwi, abelu nilamulo lya chala numupoki wa batumiwa binyu. ³ Nukwanda kuchimanya ichi ukuti amashiku, tighakise nukunyasha abakwenda mufinyonywa fyabo. ⁴ Nukuyugha, lilikughu ishiku lyo bakuyugha ilya kwisa kwake pakuti ukwanda kula, abapapi bakafwa fyoshi fili bulabula fitakuchenjapo. ⁵ Pakuti ichi bakwibwa madingo ukuti amaghamba ghaliko ukwanda kale, nichisu chikaba na mishk pamishi amashu gha Chala. ⁶ Mu ishi ichisu chapase icha mashiku ghala pakudwiba na mishi chikakomanika. ⁷ Lole amabwe ni chisu icha mashiku ghala na mashu ghala fyabikiwa ku moto wo ghusenguliwe, ukufika ishiku ilya bulongi nukukomanika kubandu bo batakiputagha. ⁸ Lole ichi chimu chene mutakibwae baghaniwa umwe, ukuti ishiku limo lyene kwa chala ngati miyaka handilendi ngati mwaka ghumogwene. ⁹ Uchala atakukabisha ipangano ngati bamu bakutesha ukukaba lole akwiyisha umoyo kukwinyu atakulonds ukuti yumo akomanike, lole ukuti boshi bafikile ukulapa. ¹⁰ Lole ishiku lya chala tilikie ngati mwiba, mwo amaghamba tighakabuke namayigha amakulu, po ichisu ni mbombo sho shili mumo nifya kumwanya tishikatile nukwocha ngani po ichisuna fyoshi fyo fili mumo tifikochiwe ku moto. ¹¹ Pakuti fyoshi ifi mwotifika tilile fyakinga umwe mukulondiwa ukuti mube bandu baki mukendele akisa nukwiputa. ¹² Akulindilila nukwendelesha ukwisa kwake ishiku lya Chala mwo amaghamba tighakapye numulilo, tifikasame nifya kumwanya tifika sunguluke nu kocha ukukulu. ¹³ Lole ngati umwapangano lyake tukulindilila imwanya imbya ni chisu ichapya mwo mukuba ubwanaloli. ¹⁴ Po umobakamu pakuti mukulindilila ishi endelesha ukuti mwaghiwe nayuyo mumutende mwe muta nibala pamo ichilema. ¹⁵ Po muteshe ukulekelela kwa Chala witu ubupokwa ngati umukamu umughaniwa upaulo ngati mu mahala ghotu pe ghiwe nayuyo akabasimbila. ¹⁶ Sona ngati abokalata bake boshi ukuyugha mula isha ishi mula muli shimo isha kutamya ukushimanyisania sho abandu bo batamanyile nabo batikalanite bo bakusofya ngatimwo gakuya amasimbo aghangi. ¹⁷ Une ulu mwebaghaniwa pakushimanya ishi muchebe ukuti ukweghiwa nukunanga kubo batakuchenja mungawa ukuleka ububombi bwinu. ¹⁸ Lole mukulaghe mu chisa na mukumanyisania kwa Chala witu umupoki witu Yesu kilisito, kukwake kube ubu shisha umusughu na kabalilo koshi. Ameni