¹ Simoni Petro wambombo nu mutumiwa wa Yesu kilisito ku bo bakapokela ulwitiko ulwa pamwanya ngani ugwo nutwe mubwanaloli bwa chala witu nu mupoki Uyesu kilisito. ² Ichisa kukwinyu nu mutende fi bale fibale mu bumanyisani wa chala nu Yesu kilisito witu. Bakonge inyisa isha chikilisito. ³ Pakuti amaka gha bwo Chala bwake likatupa utwe shoshi isha pamoyo nichipute nukumanya kwa yuyo we akatwitisha utwe nu bushisha nu bwisa bwake mwene. ⁴ Mu ishi akatupa ilaghano ilya pamwanya ukuti Mu ishi mupulikane nubwo chala bwake mwo mwapulumuka mbibi sho shili pa chisu chapase mufinyonywa. ⁵ Po ichi pakweghelapo ulubilo lwoshi timwongeleshepo ubwisa palwitiko lwinu, na pabwisa ukumanyisania napa kumanyisania, ukwilesha. ⁶ Napakwilesha ubujimvu. ⁷ Napa bujimvu ukwiputa napa kwiputa ulughano, ulughano lwa pabakamu ulu ghano. ⁸ Pakuti ishi shikuba numwe po linga shabala tishikapangishe ukuti manye mube bakata pamo basita fikomwa pa ku manyisania kwa chala witu Uyesu kilisito. ⁹ Pakuti we akupotwa ifi wi ntongo uwakwibwa akasukile kake pakutagha imbibi shake ishakale. ¹⁰ Po mwe bakamu ongela kwendelesha ukwikasa ulwito lwinyu nukwifumya kwingu pakuti linga mwabomba ishi tamukakalale nalumo. ¹¹ Pakuti uku tikukongele ukwa kungwama umulyango ulwa kwingila ubufumu wa bwila wa chala witu nu mupoki Yesu kilisito. ¹² Pa ichi tangaleke ukubakumbusha umwe akabalilo koshi isha ishi nalinga mu shimenye mwikalishe mubwanaloli buli numwe. ¹³ Po nguchitesha chisa ukwikala mu malo ashakulindilila panu ukubahobosha nukubakusha. ¹⁴ Pakumanya ukuti ukutila pa buyo wangu kuli papipi ngati wi Yesu kilisito akamfunda. ¹⁵ Lole tingabombe sona lubililo tangaleke ukuti linga nafuma une timuka kumbuke ishi. ¹⁶ Pakuti tutakongite inyiho isha mwalwe po tukabamanyisha amaka na kabonekele aka chala witu Yesu kilisito, lole tukatesha na maso ubukulu bwake. ¹⁷ Pakuti akapokela kwa chala uwise umuchizi nu bushisha pakumwisila yuyo amashu agha amashisha agha kufums ku bushisha ubukulu uyu mwana wangu mughanite we une nguhoboka nawe. ¹⁸ Sona amashu agha ghafuma kumwanya utwe tukaghapu lika mwighamba isaliwa lila. ¹⁹ Po tuli na mashu agha njugha gho ghikasanyishe ukulusha gho mukubomba akisa pakughabombesha ngati nyale yo yikukosha kuchisi mpaka ku buche linga nalamusha imbinjika pa myoyo yinu. ²⁰ Menye ichi pabwandilo ukuti nayimo injugha lya lisimbo likung'anamulwa pa lyene. ²¹ Pakuti kale injugha yitakisa nubwighane bwa mundu lole abandu bachala akukolwa nu mbepo mwikemo akayugha.