Chapitala 4

1 Pakuti ukilisito akapulika ifyakubaba mu mubili mwinoshele umoyo ughu, pakuti we akapulika ifya kubaba mumubili alekana ni mbibi. 2 Pakuti akabalilo kokashala mu tangaba nubumi mumubili uku konga ifinyonywa fya bandu lole ukulonda kwa Chala. 3 Pakuti akabalilo ko kenda kakisa ukuti tubombe ukulonda kwa chisu, pakwenda kwenda mu fibibi, ifibyobywa, ukukolwa, ubupsfu, ifya kumwa kumwa nukwiputa ififwani kuta kulondiwa. 4 Mula akuti cha chilendo ichakuti mutakukinda nawo mpaka nukwisula nukupuka bakabs nyoza. 5 Abo tibaka mubelengele we inoshishe ukulonga abumi na bafwe. 6 Pakuti pa chifukwa ichi lya lumbiliwa ishu ilyisa kubo bakafwa ukuti balongiwe ngati mwa bandu mumubili, lole bakabe nu bumi ngati mwa chala umuzimu. 7 Lole ubumalilo bwa fyoshi bwapalamila, po mube na mahara sona lindilila nukwiputa. 8 Pafyoshi mube nu lughano ulwenecho mwibene pakuti ulughano lukushighila imbibi shoshi. 9 Mwangalilanaghe mwibene manye musulumaniange. 10 Ngati weshi apokela ifyabupe mubombelane nayo ngati balongoshi abisa aba chisa chaluko nu luko cha chala. 11 Linga uyungi ayugha, ayughe ngati wichala, uyungi linga akubomba abombe mu maka gho Uchala ampile ukuti mu shoshi uchala apaliwange mwa Yesu kilisito we ali nubushisha na maka bwila bwila. Ameni 12 Bakamu manye mu swighe ningelo lya mulilo yo yika kugwila uwe yibe yakukughela, ngati chindu cha chilendo chabombwa numwe. 13 Lole pakuti mukughonja nukilisito ifyakubaba shake sekelagha ukuti pa mabyebye agha bushisha wake mukahoboke ngani. 14 Linga mukunyashiwa pa lyita lya Yesu muli nu lusako nu kuti umbepo umushisha nu mbepo wa chala akufuta pa umwe. 15 Po manye apulike ifyakubaba yumo mumwinyu ngati wakulwa ngati mwifipamu we akubomba ifibibi pamu we akupyunga pyunga. 16 Lole linga apulika ifya kubaba ngati mkilisito manye abe nisoni lole amu chindike uchala mwilyita ili. 17 Pakuti akabalilo kafika ubulongi bwande pa nyumba ya Chala lole linga ubwandilo twe twe ubumalilo bwabala bo batakupulika amashu amisa gha vhala ndichibe choni! 18 Linga umundu umwelu akupokwa nukugela kwene kwene umundu we atakwiputa mutula nongwa, ndakaboneke kughu. 19 Po bo bakupulika ifya kubaba mu bwighane bwa chala ba bike ubumi bwabo nukubomba inyisa mutukono utwa mpeli umusubiliwa.