1 Mwe bosongo umwe ngubabula une ne songo munyonyu nuwa kushimikisha ifyakubaba ifya kilisito, nene sona tinga ghonje ubushisha bo tibukabonekele. 2 Sunga ichilundilo cha chala lyo lili mu mwinyu nukulite shekesha, manye mwipinyaghe lole mubusatuke kwa chala manye mukonge ifyakunyali sha lole lubilo lubilo. 3 Tabo bakubomba ubifumu pa ba bulongoshi bwinyu lole mube chifwani pa chilundilo icho. 4 Po umputi pakubonekela timukapokele ingigha inshisha yo yitakushila, sona banyamata umwe pulikila abosongo. 5 Lole mwe boshi mufwale ukwa lyisha ukuti mwafwane, pakuti Uchala akukana abakwikwesha lole akubapa ichisa bo bakwiyisha. 6 Po mwiyishe pase pa nyobe lya maka lya chala ukuti pakabalilo kake abakweshe. 7 Nukumupa yuyo indamyo shoshi pakuti umwene akutusunga. 8 Mwisunge, lindilils umulwani winyu usetano ngati ngalamu yo yikubuna akwenda kwenda nukulonda londa yumo amumile. 9 Uyo mumukane mwe balwitiko mumyenye ukuti ifya kubaba ifyo fyanda ukukwanilishiwa ku bakamu binu bobali pa chisu. 10 Po uchala wa chisa choshi we akabitisha ukwingila mubumwene wake ubwa bwila mwo kilisito mwapulika ifya kubaba akabalilo akatali ndakabafishe umwe mutani chilema na chimo yuyo ndakabikashe ndakaba limbikishe umwe. 11 Kukwake kube amaka bwila bwila. Ameni. 12 Mwa Silvano umukamu witu umusubaliwa ngati mwomanyile nasimba kukwinyu mubupimba, ngubabula nukushimikisha ukuti ichisa cha chala cho ichi mu ichi mwo mwime. 13 Umwene uwa kubabulo umusaliwa pampene numwe akubabula akuti sona u Marko umwana wangu. 14 Muyughisanie nu kwofwana mu lughano umutende ghube numwe mweshi mwe muli mwa kilisito.