Chapitala 3

1 Numwe mwe bakolo pulikilagha abalume binu mwibene, ukuti linga bamu batakupulika amashu, bahohoboke nabakolo akendele kabo napo batana mashu. 2 Pakutesha akendele kinyu akisa nukwoghopa kwinyu. 3 Lole ukwinosha kwinyu manye kube kwa kuse ukuluka iching'wili nukufwala ifya kumwekuka pamu uku pwala imyenda. 4 Lole abe mundu uwa uwakwififa mumoyo, mu mwenda gwo ghutakubola ivha mbepo uwa kufwasa nuwa myee wo wapamwanya ngani pamaso pa chala. 5 Pakuti kale pope abakolo abelu umoyo bakulindilila uchala bakinoshanga bene bakapulikila abalume babo bene. 6 Ngati usala akapulikila u Abrahamu akatingi baba, uyo timube bana bake linga mu kubomba inyisa manye mwo ghope nachimo. 7 Numwe balisha mwikale nabo kumahara, nukumuchindika umukolo ngati chililo cho chita na maka ngati wakwingila munyumba pamupene aba chisa cha bumi, ukuti inyiputo shinyu shitakighaliliwe. 8 Cho chashala mweshi mube nu moyo ghumogwene mupelelane ichisa, mughanane na bakamu abachitima, mwiyishange. 9 Mutaka gholushe ichibibi pa chibibi, lole poshi ulusayo pakuti mukonge ichi cho mwitishiwe ukuti mukapokele ulusayo. 10 Pakuti we akulonda ukughana ubumi nukutesha amashiku amisa, aleshe ululimi lwake pakuyugha ifibibi nimilomo yake manye yiyughe ifyabumyashi. 11 Sona batileko kububibi abombe inyisa alonde londe umutende nukughukongesha. 12 Pakuti amaso gha chala ghali pa belu nifyufwo fyake fikupulika inyiputo lyabo, lole amaso gha Chala ghakutesha ababibi. 13 Po wini we takakubombele ifibibi linga mukubomba lubilo ifindu ifyisa. 14 Sona linga mwapulika ifyakubaba chifukwa cha bwanaloli muli nu lusako umwe, sona mutakoghope ukuboghopa babo mamo mutakapashe. 15 Lole mumupale uchala imyoyo yinyu, mwisenganie akabalilo koshi mubombe ichskwikania pa weshi we akubalolusha chifukwa chalusubilo lwo luli mu mwinyu po nukufwasa nu wogha. 16 Nukunyonywa ifyisa ukuti mwo bakuyughila bo bakuyugha ubumyashi akendele kinyu kisa mwa kilisito bakoshiwe isoni. 17 Pakuti ukupulika ifya kubaba chifukwa cha kubomba inyisa nukupulika ukubaba chifukwa chs kubomba imbibi, kwisa ukupulika ifya kubaba chifukwa cha kubomba inyisa, mwo kubelile ukulonda kwa Chala. 18 Pakuti ukilisito wepe akapulika ifys kubaba kamokene chifukwa cha mbibi abelu m'malo mea bo batapindukite ukuti bakatufikishe kwa Chala, webakaghogha umubili lole uwakupegiwa ubumi mwa mbepo. 19 Mwo akendela akalumbilila imyoyo yo yikaba mu jele. 20 Yo yitakapulikagha kale po ukufwasa kwa Chala ku kalindililila amashiku gha nowa po akanoshanga ubwato mula abakubelengiwa bo bumi bali Eliti bhakopona ku mishi. 21 Cho ichifwani chake chikubapoka ulu lwosho takwo kutagha ifiko fya mumubili, lole iusho lyake ilyakunyoywa ukwisa kwa Chala nuku shuka kwa Yesu kilisito. 22 We ikile kunyobe ya Chala lya ndyelo po ingile kumwanya pali abandumi ni bulaghili na maka agha bupoti.