Chapitala 2

1 Po pakutagha ichibibi choshi nubumyashi bwoshi, nakabo ne kele koshi akabumyashi ni lyolyo. 2 Lilagha ngati bana bobonda absmusughu ulukama ulwisa lwo lute lupite ukuti mukule nalwo mpaka ku bupokwa. 3 Linga mwaghonja ukuti uchala mwisa. 4 We pakwisa yuyo ibwe lya bumi lyo abandu bakulikana lole nu chala lisaliwe lya muchizi. 5 Numwe ngati mabwe agha bumi timuzengiwe nyumba ya mbepo ukuti mube babombi abelu umoyo abakubika ikemo lya mwambepo, sho shipokeliwe nu chala, mwa Yesu kilisito. 6 Pakuti kusimbiwe musimbotesha ngubika mu ziyoni ibwe ilya bumalilo ilya muchizi. 7 Kwa umwe mwe mukusubila mwe bapamwanya ngani lole kubo batakusubila, ibwe lyo bakuzengela bakalikana lyo likabikiwa mutu wa palubafu. 8 Po ibwe ilyakukalala nalyo libwe lya kwipunula kubo bakukalala na mashu, pakuti batakupulika kula kope bakabikiwako. 9 Lole umwe mwe mbapwa isaliwa, ababombi, amafumi luko ulwelu umoyo abandu abake po ukuti mukalumbilile ingulu ishake yo abitishishe mufume muchisi mwingile mu bwelu bwake uwa kuswighisha. 10 Umwe mwe kale mutakaba bandu lole umusughu mwe bandu ba Chala mwe kale mutakapokela ichisa lole umusughu mwapokela ichisa. 11 Baghaniwa ngubabula ngati balendo sona baghonela mukane ifinyonywa ifya mubili fyo fikupela ubwite pa bumi. 12 Po ulwendo lwinu kuba kuse ghabe misa ukuti linga bakuyugha ishinu linga ba kubomba ifibibi bamu chindike uchala pakutesha imbombo shinu inyisa ishiku ilya kuteshiwa. 13 Mulambaghe pa shoshi sho shibikiwe na bandu chifukwa cha Chala na kwifuma ngati mutu waboshi. 14 Pamuku bosongo ngati batumiwa na yuyo ukulonga bo bakubomba imbibi, lole ukukwimilila bo bakubomba inyisa. 15 Pakuti ukulonda kwa Chala ku kuti nukubomba inyisa muye musumbishe ukusoba kwa bandu abalema. 16 Ngati musatulwe lole ata nukusatuliwa ngati ichakufifila ichi bibi, lole ngati babombi ba chala. 17 Muchindike abandu boshi mubaghane abakamu, mwoghope Uchala chinduka umwene. 18 Banyamata umwe chindika abosongo binyu nukwoghopa tutakuti abisa lole nabobata na chimo, na bakali. 19 Pakuti ichi chisa linga umundu chifukwa cha finyonywa pa Chala akwitika ukusulumania pakupulika ifya kubaba fyo fita fibaghile. 20 Pakuti ingalo inyisa yiki, linga mwajimbilila ukutula imbibi nukukomwa, lole linga ku bomba inyisa nukupulika ifya kubaba mukujimba icho cho chisa cha Chala. 21 Pakuti ukubomba ichi mwitishiwa pakuti sona ukilisito aka pulika ifya kubaba mu malo ghinyu, nabalekela ivhifwani ukuti mukonge inyayo shake. 22 We atakananga sona mumulomo wake mutakaba ubumyashi. 23 We mwo bamunyadha atakaghalusha ububibi nabumo pakupulika ifyakubaba atakoghopa lole akayibika inongwa ku mulongi umwisa. 24 We akegha imbibi shitu yuyo mwene mu mubili mwake pa mbinjika, ukuti utwe mwo twafwa ku mbibi tukabe nubumi ukukonga ubwanaloli we ukukomwa kwake mupokiwe. 25 Pakuti mukasoba ngati ngoshi lole ulu mwaghalukila kumputi nuwakutesha ubumi binyu.