¹ Naari killotaka ellotello dda athu ni dda angelo, koma kaahikhalla ni echikondi, ollota waka onakhalla wonanko mukoko wawoopiwa apaalle belo awoopiwa. ² Naari kirina emphaso ya onamallotella*; naari kidduwellaka ddittheddene ni wiiwesesa ddoovittheya ddittheddene; naari kirina echikhulupililo yuullupalli yoowora osusa miyango, koma kaahikhalla ni echikondi, nginna mutteko. ³ Naari kikaweke ddeko ddaka ddittheddene nave naari kivelleelle mwiillaaka wi woosiwe, koma kaahikhalla ni echikondi yaakayaaka khekhallavo. ⁴ Echikondi enniithaalla nave ennareera murima. ⁵ Echikondi khenaakhallella ehache athu amodda apaalle wiitukhulla, apaalle okota. ⁶ Echikondi khenakhalla ni makhallello oonanara, apaalle kheniikonda apaalle khenasha murima mwawaakuva; echikondi khenasungella mangawa a athu amodda; Echikondi khenahakallalla ni onanara murima, koma anahakallalla ni ddawoona. ⁷ Echikondi ennamaalleya mu ddeko ddittheddene, ennakhulupilila ddeko ddittheddene, ennatiyera mu ddeko ddittheddene, ennavillella mu ddeko ddittheddene. ⁸ Echikondi khenamalla. Vookhalla onamallotella, koma yoolla omalla. Vookhalla ellotello ddoohidduwanyeya*, koma ddineeromalla. Vookhalla odduwella, koma omalla. ⁹ Vawi odduwella wahu ni onamallotella wahu khaddinakwakhwanella. ¹⁰ Koma ddookwakhwanella ddaphiya, vano ddoohikwakhwanella nnddo ddineeromalla. ¹¹ Kaariimi mwaana, kaallota wonanko mwaana, kaganiza wonanko mwaana nave ezeru ddaka ddaari wonanko mwaana. ¹² Vano vawi kohiinnuwa koohiya okhalla wonanko mwaana. Vano khaninoona phaama ddeko dda Mulluku wonanko muthu aawiiweheraka ekhove munigalasini nohooniha phaama. Koma vahoollomvo nineerewoona vamiitthoni ni vamiitthoni. ¹³ Vano kinnadduwelleemi tti ddoohikwakhwanella,koma muhoollommo ddineerokhwakhwanella wonanko mmo Mulluku anakidduwellellaaye phaama. Vano ddeko ddiraru ddoohimalla tti echikhulupililo, etiyerello ni echikondi. Nave yookhwaranya ddittheddenenndda tti echikondi.