¹ Lalu, malaikat karima ngampoh terumpet a', ge' iko' mile' nyabuah bintakng jantu umpatn rangit ka tumukng bumi, ge' wa'ini' gatn mangkatn kunci rubakng jurang maut. ² Ini' muka' rubakng jurang maut, maka makka'ta asup umpatn rubakng dakoh, ulah asup umpatn tungko' da ayho, ge' matuano ge' angkasa ngajadi galap sabab asup rubakng dakoh. ³ Lakadakoh, umpatn sadatn asup dakoh mungkasta buntak-buntak ka tumukng bumi, ge' ayoa' gatn mangkatn kuasa ulah kuasa kala ka bumi. ⁴ Ge', wa' ayoa' gatnmuji' supaya kati' ngerusak udu'-udu' ka bumi, sagana pamura', atopun puutn-puutn,tapi hanya ayoa' da kati' ani umpu' sigel Jabata wa' kanikng ayoa'. ⁵ Ayoa' kati' gatnngijin ya' ngamis ayoa', tapi supaya nyiksa ayoa' 5 burayn tuhia'; ge' siksa dakoh samu' ge' siksa kala waktu ini' ngoot talino. ⁶ Wa' masa dakoh, talino ao' najo pangkabis, tapi ayoa' kati' amput a'. Ayoa' ngate kabis, tapi pangkabis ngindar umpatn ayoa'. ⁷ Rupa buntak-buntak dakoh ulah kuda-kuda da gatnnyiap ya' parang; ge' ka tumukng abak ayoa' ani tarutn ulah mahkota barawatn, muka ayoa' ulah muka talino. ⁸ Abok ayoa' ulah abok mahung ge' japu' ayoa' ulah japu' singa. ⁹ Ge sado ayo' a samu nige japo basi, ge miho arat ayo' a samu' miho oto-oto nige' karah kuda da da ba lomba ka medan parang.