¹ Ge' , jangkah Anak Domba muka' sigel da kaijo', ani' kasunyian ka surga kira- kira satangah jam tuhia'. ² Ge', iko' mile' kaijo' malaikat da agutn ka hadapan Jabata ge' ijo' tarumpet gatnmangkatn wa' ayoa'. ³ Lalu, malaikat laitn utukng ge' agutn ka altar, minte nyabuah (pedupaan) barawatn ; ge' wa' ini' gatn mangkatn karah (dupa) ya' gatn mamparsambah samahu doa-doa ayo sok kudus ka tumukng altar barawatn da ka tura' takhta dakoh. ⁴ Ge', asup ( dupa) dupa dakoh, samahu nige' doa-doa ayo sok kudus, makka ka hadapan Jabata umpatn barekng malaikat dakoh. ⁵ Lalu, malaikat dakoh naap (pedupaan ) ge' ngisi a' nige' api da gatnnaap umpatn altar ge' nyangkahat a' ka bumi; maka gatndangahta mihu guntur da samahu nige' kilat ge' gempa bumi. Terumpet da partama sampe kaampat gatnngampoh ^{6 6} Ngalaka dakoh, ijo' malaikat da minte ijo' terumpet dakoh basiap-siap ya' ngampoh terumpet ayoa'. ⁷ Malaikat da uru ngampoh terumpet a', maka tajadilah ujat es ge' api bacampur daya'; ge' gatnnuntokng ka samo bumi, maka tabakarta nyabagitaru bumi ge' nyabagitaru puutn-puutn ge' tabakarta smaan udu ijo'. ⁸ Malaikat kadua ngampoh terumpet a', maka tarutn ulah gunung da tabakar api gatnnyangkahatn ka sadatn laut jadi daya', ⁹ maka nyabagitaru umpatn makhluk da madi' ka laut ge' da umpu' idup jadi kabis, ge' nyabagitaru umpatn kapal gatnngancur. ¹⁰ Malaikat dakataru ngampoh terumpet a', maka jantuta umpatn rangit nyabuah bintang ayho, mara ulah obor, ge' bintang dakoh ngantuk nyabagitaru umpatn sungi ge' matu' paitn. ¹¹ Gaatn bintang dakoh anilah Apsintus ge' karah sok kabis karna paitn dakoh sabab paitn dakoh ngagatnumas peet. ¹² Malaikat kaampat ngampoh terumpet a', maka tarumpakta nyabagi taru matuano, nyabagitaru buratn, ge' nyabagitaru bintakng singge nyabagitaru umpatn ayoa' ngajadi galap, ge' nyabagitaru ano tano jadi galap ge'ladakoh uga' wa' ngarum ano. ¹³ Lalu, iko' mile' ge' dangah nyungan manuk rajawali mibir ka tuda'-tuda' rangit, nyansana nige' saratn da nyarekng, "cilaka, cilaka, cilakata ayoa da madi' ka bumi sabab mihu terumpet kataru malaikat laitn da maseh ao' gatn ngampoh."